Jeraazje
Jeraazje is de grutste lânmassa op ierde. It omfet de wrâlddielen Jeropa en Aazje.
De grins tusken Jeropa en Aazje wurdt meast lein op de Ural, de Uralrivier, de Kaspyske See, de Kaukasus, de Swarte See en de Bosporus, wêrby de westkant fan de grins Jeropa is. Hoewol't de Ural yndie in 300 miljoen jier lyn ûntstean is troch it gearkommen fan twa lânmassa's, is de reden foar de opdieling yn Jeropa en Aazje histoarysk: Foar de Griken wie Jeropa harren eigen kant fan de Egeïske See, en alles wat dêr oan fêst siet, wylst Aazje de tsjinoerlizzende, eastlike kant wie, mei Lyts-Aazje en alles wat dêr oan fêst siet.
Jeraazje foarmet tegearre mei Afrika it grutste eilân yn 'e wrâld.
