Ferwert
Ferwert (offisjeel Frysk) is it haadplak fan de Fryske gemeente Ferwerderadiel en hat likernôch 1.915 ynwenners.
It doarp leit yn it noardlik part fan de gemeetnte, op 53°33' N 5°83' E, net fier fan de Waadsee. It leit oan de Provinsjale dyk N357 fan Ljouwert nei Holwert, dy't it doarp ferbynt mei Marrum en Hallum nei it súdwesten en Blije nei it noardeasten. Ferwert leit likernôch in kilometer westlik fan it terpdoarp Hegebeintum, dêr't it oer de Ferwerter Feart mei ferbûn is. Oan de westkant ferbynt de Burmaniafeart it doarp mei Foswert. Beide fearten jouwe súdliker ferbining mei de Dokkumer Ie. Ferwert leit oan it Fryske Kustpaad. Fan 1901 oant 1936 lei it doarp oan it Dokkumer Lokaaltsje.
Ta it gebiet fan Ferwert hearre ek de buorskippen Foswert en de Ryp.
Ferwert is foar it begjin fan de jiertelling ûntstean. It leit op in kwelderwâl dêr't ek Hallum, Marrum en Blije op lizze. It is in terpdoarp, mei in terp dy't heech genôch wie om de see te sjen, mar om 1900 hinne is oan de noardwest kant it grutste part fan de terp ôfgroeven. It doarp wurdt kenmerke troch in tsjerkje út 1421. De tsjerke hat in klok út klokken út 1383, mooglik út de tsjerke fan it eardere Easterbeintum. Ferwert had hjoed de dei in beskerme doarpsgesicht.
By Ferwert stie oant 1500 de Tsjallingasteate, en oant it begjin fan de 19e ieu de Kemmingastate dêr't it Kemminga Hôf noch fan oer is. Fierder hawwe hjir de states Deniastate, Gerbrandastate, Juwsmastate, Meekmastate stien. Fan Sminiastate binne noch twa pleatsen oer.
Ferwerd is it bertedoarp fan de filosoof Gerardus Heymans. Ek de bekende Fryske skriuwer Trinus Riemersma komt fan Ferwert. De Fryske foarman Eeltsje Boates Folkertsma wie fan hús út in Ferwerter.
Sûnt 1999 is de doarpsnamme offisjeel Frysk. Neffens guon soe de Fryske namme fan de gemeente, dy't ôflaad is fan Ferwert, Ferwerteradiel wêze moatte.
