Ljouwert (stêd)
Ljouwert (Leeuwarden) is de haadstêd fan Fryslân en ek it haadplak fan de gemeente Ljouwert. De stêd hat 86.308 ynwenners (1 jannewaris 2005).
Ljouwert is ûntstien út trije terpen op de râne fan de Middelsee, te witten de terpen Aldehou, Nijehou en Hoek.
Ljouwert hat in monumintale binnenstêd mei in pear hûndert histoaryske wenhûzen, tsjerken en oerheidsgebouwen fan de lette midsieuwen oant de njoggentjinde ieu. Wichtichste monuminten binne de Aldehou, de Kânselarij, de Grutte of Jakobinertsjerke en de Bonifatiustsjerke.
De Prinsetún is in park oan de noardkant fan de binnenstêd fan Louwert.
[bewurkje seksje] Kultuer
De stêd Ljouwert hat in breed ferskaat oan kulturele ynstellings, wêrûnder ien fan de grutste skouboargen fan Nederlân, de Harmonie, it Fries Museum, it Natuurmuseum Fryslân, it Histoarysk Sintrum Ljouwert en it Frysk Film Argyf. It Noardlik Filmfestival en oare eveneminten lûke alle jierren in soad minsken nei de stêd. Yn de stêd binne ek de ynstellings fêstige dy't foar de Fryske taal tige fan belang binne. Dat binne benammen de Afûk, de Fryske Akademy en Tresoar.
Yn Ljouwert wurdt njonken Frysk en Nederlânsk ek Stedsk sprutsen.
[bewurkje seksje] Ferbinings
Ljouwert is it sintrale punt fan de spoarwegen yn Fryslân. Oan de súdkant fan de âlde binnestêd stiet it stasjonsgebou wêr fanút alle treinen ôfsette. De folgjende spoaren begjinne by it stasjon fan Ljouwert:
- it spoar fan Harns nei Ljouwert
- it spoar fan Ljouwert nei Starum
- it spoar fan Ljouwert nei Grins
- it spoar fan Swol nei Ljouwert
Ferfallen spoaren: