Milo
Wikipedia(e)tik
Milo, latinez Titus Annius Milo Papianus, politikari erromatarra izan zen.
Ponpeioren alde eginda, gladiadore-taldeak prestatzen zituen Erromako kaleak menpean edukitzeko eta Klodio Pulkerren taldeen kontra egiteko.
K. a. 57an plebeko tribuno izendaturik, Zizeronen bueltatzea sustatu zuen, Klodio Pulkerren aukaritza gorabehera. K. a. 54an pretorra zela, Fausta Silaren alabarekin ezkondu zen.
K. a. 53an, Milo kontsulgaia eta Klodio Pulker pretorgaia zirela, kasualitatez topo egin zuten jarraitzaile armatuekin. Borroketan Klodio Pulker hilik suertatu zen. Milo herbesteratu zuten horren ondorioz. Galian, Marko Zelio Ruforekin batera, Zesarren kontra matxinatu zen K. a. 48an, baina, atzemanda, hil egin zuten.
