Berri Txarrak
Wikipedia(e)tik
Berri Txarrak | ||
---|---|---|
Datuak | ||
Ezizenak | BTX | |
Jatorria | Lekunberri (Nafarroa) | |
Musika mota | Rock | |
Urteak | 1994 - gaur egun | |
Disketxeak | Gor Diskak | |
Webgunea | www.berritxarrak.net | |
Taldekideak | ||
Gorka Urbizu Aitor Goikoetxea Mikel Lopez Rubio |
||
Lehenagoko taldekideak | ||
Aitor Oreja |
Berri Txarrak 1994ean Lekunberrin (Nafarroa) sortutako rock taldea da. Taldea Gorka Urbizu (ahotsa eta gitarra), Aitor Goikoetxea (bateria), Mikel Lopez Rubio (baxua) eta Aitor Oreja (gitarra) laukoteak osatzen zuen hasiera batean, baina azkenak 2004ean taldea utzi eta hirukote bilakatu ziren.
Gor disketxearen arabera, rocketik abiatuta, poparen sentsibilitatea zein metal menderaezinaren indarra jasotzeko gai dira Berri Txarrak, hardcorearen amorrua eta atitudea zein punk-rockaren energiara hurbilduz nahi ahala. Gainera, mezua zaintzen duen talde dugu, inkonformista eta kritikoa eta ikutu poetikoz zipriztindua. Baliteke nazioarteko mailan Berri Txarrak euskal rock gogor talderik arrakastatsuena izatea, birak Ingalaterran, Danimarkan, Alemanian, AEBetan, Mexikon eta Nikaraguan besteak beste egin baitituzte.
Berri Txarrak izeneko lehenengo diskoak (1997) Su ta Garren ildoko kanta on sorta bat utzi zuen. Baina 1999an etorriko zen lehenbiziko ezustea, Ikasten diskoa kaleratzearekin batera. Lan hau berritzailea izan zen euskal rock gogorraren panoraman, eta gerora etorriko zen etorkizun oparoa aurreikus zitekeen.
2001ko abuztuan bukatu zuten Andoaingo Garate estudioetan, Kaki Arkarazok ekoiztutako euren hirugarren diska, Eskuak / Ukabilak. Bertan daude taldearen klasikoetako batzuk 'Oihu', 'Stereo' edota 'Biziraun' (urteko kanturik onenari Gaztea Saria lortu zuena).
Laugarren diskoa 2003ko urrian kaleratu zen, Libre (c) izenburupean. Osotara hamaika kantu berri, hardcorea, metala eta emo estiloa batuz. "Denak ez du balio" kantuan Rise Against taldeko Tim abeslariak kolaboratu du. Disko honek harrera ezin hobea izan zuen kritika eta publikoaren aldetik (Rock Sound aldizkariak 2003ko Espainiako diskorik onena bezala izendatu zuen).
Jaio.Musika.Hil bosgarren albuma hirukote moduan kaleratu zuten, Karlos Osinagak grabatu eta Ed Roserekin (The Get Up Kids, Coalesce, Kurt Cobain, Motion City Soundtrack...) elkarlanean ekoitzi eta nahastua. Kritikak beste behin lan berria txalotu zuen. Mondosonoro aldizkariak 2005eko Espainiako hardcore diskorik onena izendatu zuen.
[aldatu] Taldekideak
- Gorka Urbizu (ahotsa eta gitarra).
- Aitor Goikoetxea (bateria).
- Mikel Lopez Rubio (baxua).
[aldatu] Diskografia
Sei lan atera dituzte, hautetatik bost komertzializatuak izan dira.
- Maketa (1994) (ez komertzializatua)·
- Berri Txarrak (1997).
- Ikasten (1999).
- Eskuak/Ukabilak (2001).
- Libre © (2003).
- Jaio.Musika.Hil (2005).
Honez gain, beste zenbait bildumatan hartu dute parte:
- 'Nafarroa, Hitza Dantzan' (Gor, 2001).
- 'Navarra, tierra de rock / Rock Lurraldea'.
- 'Tributo a Judas Priest' (Zero Records, 2000).
- 'Bisai Berriak', 2002an Elorrion ospatu zen Gazte Topagunerako idatzia.