Miastkò
From Wikipedia
| Miastkò | |
 |
 |
| Céch Miastka | Fana Miastka |
 Pòłożenié na karce Pòlsczi Repùbliczi |
|
| Spòdlowé pòdôwczi | |
| Wòjewództwò | pòmòrsczé |
| Kréz | bëtowsczi |
| Wiéchrzëzna | 15.68 km² |
| Pòłożenié: | 54°01' nord. 16°59' pòr. |
| Lëdztwò (2004) | 11 998 |
| Czerënkòwi numer | (+48) 59 |
| Pòcztowi kòd | 77-200 |
| Registracëjné tôfle | GBY |
| Administracëjô | |
| Bùrméster | Roman Ramion |
|
Adresa: ul.Grunwaldzka 1
77-200 Miastkò tel. 59 857-25-42, faks 59 857-23-68 |
|
Miastkò (pòl. Miastko, miem. Rummelsburg) – gard leżący w wieczórnëch Kaszëbach w bëtowsczim krézu w Pòrénkòwi Pòmòrsce (pòdług niechtërnych ju bùten grańców Kaszëb), nad rzéką Stëdnicą (lewim dopłiwã Wieprzë). Stolëca gminë Miastkò.
Spisënk zamkłoscë |
[edicëjô] Pòłożenié ë statisticzné pòdôwczi
- Geògrafné kòòrdinatë: szérzô - 54°01' N, długòta - 16°59'E
- 170 km na nordowi pòrénk òd Szczetëna, 52 km na pôłnié òd Słëpska, 39 km na wieczórk òd Bëtowa, 116 km na pôłniowi wieczórk òd Gduńska
- bez gard przebiégają krajewé drodżi nr 20 i 21 ë banowô liniô Szczecënk – Słëpsk
- Lëdztwò: 11 998 (2004)
- Wiéchrzëzna: 15,68 km²
- Bezrobòcëzna: 13%
- Gãstnota lëdztwa: 1959 per./km²
- karta gardu
- interaktiwnô karta gardu
[edicëjô] Lëdztwò Miastka
[edicëjô] Wse gminë Miastkò
- Biôłô (pòl. Biała, miem. Bial)
- Bòbicëno (pòl. Bobięcino, miem. Papenzin)
- Chlebòwò (pòl. Chlebowo, miem. Kornburg)
- Czôrnicô (pòl. Czarnica, miem. Scharnitz)
- Dolskò (pòl. Dolsko, miem. Dulzig)
- Dretiń((pòl. Dretyń, miem. Treten)
- Dretink (pòl. Dretynek, miem. Tretenwalde)
- Gatka (pòl. Gatka, miem. Gadgen)
- Głodowò (pòl. Głodowo, miem. Gloddow)
- Komnica (pòl. Kamnica, miem. Kamnitz)
- Kôwcze (pòl. Kawcze, miem. Kaffzig)
- Kòwalewice (pòl. Kowalewice, miem. Julienhof)
- Kwisno (pòl. Kwisno, miem. Gewiesen)
- Lubkòwò (pòl. Lubkowo, miem. Georgendorf)
- Miôłocëce (pòl. Miłocice, miem. Falkenhagen)
- Òkunino (pòl. Okunino, miem. Wocknin)
- Paszeka (pòl. Pasieka)
- Piôszczëna (pòl. Piaszczyna, miem. Reinwasser)
- Pòpòwice (pòl. Popowice, miem. Puppendorf)
- Przãsën (pòl. Przęsin, miem. Hansberg)
- Role (pòl. Role, miem. Grünwalde)
- Słosënkò (pòl. Słosinko, miem. Reinfeld-Hammer)
- Swiérzenkò (pòl. Świerzenko, miem. Klein Schwirsen)
- Swiérzno (pòl. Świerzno, miem. Groß Schwirsen)
- Swiészëno (pòl. Świeszyno, miem. Schwessin)
- Trzcinno (pòl. Trzcinno, miem. Rohr)
- Turowò (pòl. Turowo, miem. Steinau)
- Turskò (pòl. Tursko, miem. Turzig)
- Wôłdowò (pòl. Wałdowo, miem. Waldow)
- Wãgòrzënkò (pòl. Węgorzynko, miem. Vangerin)
- Wiatrołom (pòl. Wiatrołom, miem. Viartlum)
- Małô Wôłczô (pòl. Wołcza Mała, miem. Klein Volz)
- Wiôlgô Wôłczô (pòl. Wołcza Wielka, miem. Groß Volz)
- Żabno (pòl. Żabno, miem. Saaben)
[edicëjô] Historëjô
Miastkò je stôrim słowiańsczim (pòmòrsczim) sedlëskã. Pierszé pisóné dokùmeńtë ò miejscowòscë òkreslóny tedë rôz "môłi gard", rôz "wies" pòchòdają z lat 1335, 1368, 1478, 1496 ë 1506. Miastkò nôleżało tedë do miemiecczi rodzëznë von Massow. W latach 1616-1617 mieszkeńcë zbùntowelë sã procëm Massowóm ë pò tim w 1617 Miastkò pierszi rôz dostało gardowé prawa. W latach 1628 ë 1657 dwa pòżarë niszczą wiãcy jak 1/3 bùdinków w gardze, a 26 czerwińca 1719 trzecy òdżiń niszczi wnet côłi gard (òstają le dwa côłé bùdinczi!). Chòc Miastkò miało gardowé prawa rodzëzna von Massow wcyg ùwôżała gard jakno swòją własnosc, a w spòrach interweniowôł król I. Friedrich Wilhelm w 1721 r. Spór zakùńczëł sã wërokã nadwòrnégò sądu w Koszalënie (1781). Pierszi rôz w historëji Miastkò stało sã stolëcą krézu w 1843.
26 zélnika 1939 ògłoszëlë w Miastkù wòjnowi stan . Miastkò przedërchało wòjnã wnet bez wiãkszëch krziwd, ale dobëté 3 strumiannika 1945 bez rusczich wòjskòwëch bëło zniszczoné w 70%. Ju 14 strumiannika 1945 òstôł ùtworzony miastkòwsczi kréz. Pò refòrmie z 1946 Miastkò nalazło sã w szczetënsczim wòjewództwie, a w 1950 miastkòwsczi kréz nalazł sã koszalënsczim województwie. Administracëjnô refòrma w 1975 ùmiescëła Miastkò w słëpsczim wòjewództwie. W rokù 1998 w Miastkù pòwstôł Spòlëznowi Kòmitet Òbarnë Miastkòwsczégò Krézu, ale w slédny refòrmie w 1999 Miastkò òstało le gminą i nalazło sã w bëtowsczim krézu.
[edicëjô] Stôrodôwnotë
- Póznobarokòwi kòscół wëbudowony w 1730 r. W 1905 r. do kòsc'a bëła dobudowonô wieża, chtërna w 1927 dosta' barokòwi hełm.
- Bùdink przë sz. Ribacczi, z 1905 r.
[edicëjô] Ùczba
- Zbiér Ògólowòkształcącëch Szkòłów
- Zbiér Mechanicznych Szkòłów
- Zbiér Gbùrzczich Szkòłów w Łodzéżë
- Spòdlécznô Szkòła Nr 1
- Spòdlécznô Szkòła Nr 2
- Gimnazjum w Miastkù
[edicëjô] Jinszé informacëje
- Partnersczim gardã Miastka je miemiecczé Fallingbostel
- Miemiecczé miono Miastka – Rummelsburg, pòdług legendë, pòchôdô òd miona rojbra Rummela, jaczi miôł żëc w dôwnëch czasach w òkòlim dzysdniowégò Miastka. Rodzëzna von Massow chcała dac Rummelowi tak wiôldżi plachc zemi, jaczi ùdô mù sã przejachac na kóniu òd rena do wieczora, żebë le rojber zaprzestôł swòjégò dzejaniô. Na zemi dóny Rummelowi miôł pòwstac Rummelsburg, to je Miastkò.
- Z Miastka pòchôdają m.jin. aktorka Ewa Gawryluk, generał broni Zbigniew Zalewski ë kaszëbsczi lëterat Robert Żmùda-Trzebiatowsczi.
[edicëjô] Lënczi
- òficjalnô starna Miastka: Miastecki Portal Internetowy
- nieòficjalnô starna gardu: www.miastko.prv.pl
- Heimatkreis Rummelsburg in Pommern
- ZK-P Miastkò
 |
Pòmòrsczé wòjewództwò |
|---|---|
|
Gardë na prawach krézu: Gduńsk | Gdiniô | Stôłpsk | Sopòt |
