Wiki
Diwar Wikipedia, an holloueziadur digor
Ar pennad-mañ n'eo ket peurechu c'hoazh ; ma fell deoc'h labourat warnañ deuit da welout ha lakait hoc'h ali e pajenn ar gaozeadenn.
Evit berr e vez implijet alies Wiki evit Wikipedia. Sell ouzh ar ger-mañ.
Ur wiki a zo ur sistem merañ an endalc'h evit sevel al lec'hiennoù gant pajennoù Web a c'hell bezañ krouet ha cheñchet gant ar brassellerien aotreet. Implijet e vez ar wikioù evit aesañ ar c'henskridaozañ. Ijinet eo bet ar wiki gant Ward Cunningham e 1995 evit ul lec'hienn war ur programouriezh a oe anvet gantañ ar Wikiwikiweb. Dont a ra eus an hawaieg wiki wiki, dezhañ ar ster "buan" pe "laosk". E kreiz ar bloavezioù 2000 e teuas ar wikioù da vezañ emsavoc'h-emsavañ ken e vezont staget ouzh e meizad ar Web 2.0.
Hag eñ savet e 2001 eo deuet an holloueziadur Wikipedia ar wiki ma ya ar muiañ a dud da sellet outañ.
[kemmañ] Mont en-dro teknikel
Ar perzh dibar a c'heller kavout er wikioù pa seller ouzh ar sistemoù merañ an endalc'h all eo ma c'hell an holl brassellerien aotreet kaout ar memes droadoù. Bez e c'heller kemmañ traouigoù (poentadur, da skouer) koulz ha pajennoù a-bezh hep ma ya fall an traoù evit mont en-dro al lec'hienn.
N'eus nemet ditouroù merañ ar merdeiñ bodet er patrom staget ouzh ar bajenn ha ne c'heller ket cheñch anezho.
