Hawaieg
Diwar Wikipedia, an holloueziadur digor
Skrivet eo ar pennad-mañ e Peurunvan
Ur yezh aostronezek eus skourr ar yezhoù polinezek eo an hawaieg (‘Ōlelo Hawai‘i) komzet gant tro-dro da 15.000 den en holl (1.000 evel yezh kentañ) e Hawaii
Ur yezh en arvar eo an hawaieg, aet war digresk an niver a dud a ra gantañ evel yezh kentañ eus 37.000 er blavezhioù 1990 da 1.000 hiziv. Ouzhpenn-se ez eo ouzhpenn 70 vloaz oad an hanter eus and dud se. Abaoe pell dija en deuas ar saozneg kemeret plas an hawaieg e c'hwec'h enezenn diwar ar seizh ma vez tud o vezañ enne. N'eo nemet e Ni‘ihau m'o deus kendalc'het an dud d'ober gant o yezh en un doare ingal.
Graet ez eus bet muioc'h-mui a strivoù er bloavezhioù tremenet evit reiñ un tamm lusk d'ar yezh adarre ha savet ez eus bet skolioù dre soubidigezh ha klevet e vez un tamm muioc'h a hawaieg war ar skingomz ivez.
Peurliesañ avat e vez techet ar re a zo o teskiñ an hawaieg evel eil yezh d'ober hervez boazioù ar saozneg ha war gemmañ a ya ar yezh tamm ha tamm ivez dre se e meur a geñver.
Skrivet e vez an hawaieg en un doare unvan gant al lizherenneg latin gant un nebeut lizherennoù ispisial ouzhpenn, dreist-holl evit diskwel ez eo hir ur vogalenn.
