Skinwel

Diwar Wikipedia, an holloueziadur digor

Skrivet eo ar pennad-mañ e Peurunvan

Ar pennad-mañ n'eo ket peurechu c'hoazh ; ma fell deoc'h labourat warnañ deuit da welout ha lakait hoc'h ali e pajenn ar gaozeadenn.

Ar skinwel a zo un teknik dezhañ da bal treuzkas, dre orjal pe dre wagennoù skindredanel, skeudennoù fiñv pe arvestoù bev, a-gevret gant ur son peurvuiañ, da vezañ gwelet war ar prim war un ardivink resever a reer skinweler anezhañ.

Orin ar ger : skin+gwel evit treuzskrivañ ar galleg radio(télé)vision. Kavet e vez ivez an televizion hag ar bellwelerez. Gerioù nes : skingaser, skingasadenn, skingomz, skinpeul.

[kemmañ] Istor ar gavadenn

Ret e voe kavout un tu da dreuskas, dre ur red-tredan pe dre ur skin, elefennoù ur skeudenn lerc'h ouzh lerc'h goude bezañ o dezrannet poent ha poent, linenn ha linenn.
En deroù e voe embreget ur wikefre a-benn ergerzhet un teskad marellek a gelloù fototredanek, met kavet e voe un doare efedusoc'h en ur skannañ anezho gant ur feskennig elektronioù.

Ar marelladur a zo bet deskrivet gant George R. Carey (Amerikan) e 1877.
Ar skannañ a zo bet deskrivet gant Constantin Senlecq (Gall) e 1879 en ur "télectroscope" gant ur holldreser (pantograf) a-dreñv d' ur skramm treuzwelus. .

1884, un ijinour alaman a zisklaer un breou e lec'h m'eo deskrivet un teleskop-tredan (elektrische Teleskop) ennañ ur pladenn toullet hervez tres un droellen o treiñ evit elfennañ pep a linenn war ur skeudenn deuet eus un werenn-pal.
1905 Lee de Forest, un Amerikan, a grou ar gorzenn elektronek
1907 Boris Rosing, ur Rusian a ziskouez eo posubl implij un gorzenn gatodik (krouet araozañ) evit elfennañ ar skeudennoù dre ar gwagennoù elektromagnetek
1908 Ar Saoz Campbell a ginnig ma vo implijet ur gorzenn gatodik aozet evel ur skramm evit an elfennañ koulz hag an eilañ
1923 Ar Rusian Wladimir Kosma Zworykin a zeskriv ur skinweler hollelektronek a c'hellfe produiñ skeudennoù fiñvus, met ne vo ket krouet a-raok ur pemzeg bloavezhioù bennak
1928 John Logie Baird, ur Saoz, a labour war ur skinwel e liv
1929 Skingasadennoù kentañ ha skignet ingal e Bro-Saoz
1930 Skingasadennoù kentañ e Bro-Alamagn (skramm 30 linenn)
1934 E Bro-C'hall ez eus etre 400 ha 500 skinweler evit an arnodoù. Anvet eo an doare-ober ar radiovision
1935 Skingasadenn gentañ diwar skingaser an Tour Eiffel e Pariz
1938 Skeudennoù e 445 linenn kaset diwar an Tour Eiffel
1944 Kentañ skingasadennoù e liv e Bro-C'hall
1948 Skeudennoù e 819 linenn e Paris evit kantadoù a skinwelerioù-arnod
1951 E New-York eo bet diskouezet ur skinwel e liv
1954 An embregerezh RCA a grog gant produiñ ur skinweler e liv (skramm : 30 cm)
1956 Kentañ ardivinkoù-enrollañ ar video
1962 Kaset eo bet d'an neñv al loarell Telstar evit ar skingasadennoù treuzatlantel
1967 Skingasadennoù kentañ e liv e Bro-C'hall hervez an doare-ober SECAM
1976 Skeudenrollerioù kentañ a zo bet diskouezet (enrollañ war gasedoù)
1977 Arnodoù kentañ an doare-ober Antiope evit ar teletext
1978 Skeudenrollerien gwerzhet e Bro-C'hall
1980 Ar reolad MAC ijinet ganr ar Saozon evit ar skinwel niverel dre loarelloù
1989 Degemeret eo ar ment 16/9 evit ar skrammoù
1993 Kentañ boked skinwel er Stadoù-Unanet
1996 Kentañ boked skinwel e Bro-C'hall
2005 Skinwel niverel douarel e Bro-C'hall