Korventenn

Diwar Wikipedia, an holloueziadur digor

Pa vez an aergelc'h lec'hel da vezañ direizhet gant ur barrad-amzer fall-tre e vez kaoz eus ur gorventenn. C'houezhañ a ra un avel kreñv o droidellaat hag a-wechoù glav puilh, kurun ha luc'hed ha ivez erc'h, ken e e vez kaoz eus ur gorventenn-erc'h pe eus ur blizzard.
Pa ve degaset gant an avel danvezioù e vez kaoz ivez eus ur gorventenn-boultr, ur gorventenn-draezh, ur gorventenn-grizilh (pe gorventenn-gazarc'h). Ur gorventenn-skorn a zo pa vez skornet ar glav war ar prim dre ma kouezh war an traoù kalet (savadurioù, orjaloù, roudennoù-houarn...).

Savet e vez ar c'horventennoù diwar ar fed ma 'z eus ur greizenn gant un aerwask izel hag ur sistem gant aerwask uhel en dro dezhañ. Diouzh an nerzhioù enebet e teu kasennoù avelioù kreñv-tre hag a-wechoù koumoul, koumoul du o tegas glaveier peurvuiañ

Skeudenn:Shtorm.jpg

Korventenn-vor.

Termenet e vez ar c'horventennoù gant an hinourien gant sifroù resis ha n'int ket o kotaat gant ar pezh a vez anvet ur gorventenn gant an dud : Uheloc'h nerzh an avel eget 10 war skeul Beaufort (89 kilometr dre eur). Padout a reont etre 1 ha 200 eur. Aliesoc'h e weler korventennoù o tont eus gwalarn e Breizh, met eus ar Biz hag ar Reter e teu ivez.
Freuz bras a ra ar c'horventennoù pa vez diwrizoiennet ar gwez, dispennet ar savadurioù, diskorget an orjaloù-tredan hag an orjaloù-pellgomz, lakaet ar stêrioù da veuziñ an hentoù hag ar straedoù. Gwashoc'h c'hoazh e vez gloazet pe kollet e vuhez meur a zen diwar diskar ar savadurioù pe tagadennoù ar mor war ar bagoù hag an aodoù.

[kemmañ] Korc'hwezhioù ha korventennoù trovanel

[kemmañ] Korventenn e Breizh (1987)

Er 15vet a viz Here 1987 e krogas war-dro 22 eur ur gorventen vras war darn eus Breizh. War ul ledander 100 km e oe skubellet ar vro eus Gwalarn da Gevred.