Ki-dour Kanada
Diwar Wikipedia, an holloueziadur digor
|
|||||
|---|---|---|---|---|---|
 L. canadensis
|
|||||
| Rummatadur klasel | |||||
| Ren : | Loened | ||||
| Skourrad : | Chordata | ||||
| Kevrennad : | Vertebrata | ||||
| Urzhiad : | Carnivora | ||||
| Kerentiad : | Mustelidae | ||||
| Iskerentiad : | Lutrinae | ||||
| Genad : | Lontra | ||||
| Anv skiantel | |||||
| Lontra canadensis Schreber, 1777 |
|||||
|
|||||
Ki-dour Kanada (Lontra canadensis) a zo un izel eus kerentad ar Mustelidae kavet e stêrioù ha war aodoù norzh Amerika, eus Alaska betek Pleg-mor Mec'hiko. Digresket kalz e oa bet e boblañsoù adalek donedigezh an europeiz.
Taolenn |
[kemmañ] Livadur
Ki-dour Kanada en-deus ur c'horf hir gant karioù berr, pavioù roeñvek hag ul lost hir. Muzuliañ a ra etre 30 ha 50 cm ha pouezañ a ra etre 5 ha 13,6 kg. Ur penn ront ha bihan en-deus hag ur vourenn vras. Brasoc'h e vez ar piri eget ar barezed. Gell-du eo e vlevad gant ur gouzoug gris-arc'hant.
Neuñverien vat ez eo ar c'hon-dour met galloud a reont diblasañ buan a-walc'h war an douar ivez. O divfron a c'hellont serriñ, ar pezh, gant stankder o blevad, a skoazell anezho da hemolc'h dindan an dour. Kon-dour Kanada a vev etre 10 ha 15 a vloavezhioù en natur met tizhout 25 a vloavezhioù a c'hellont en erreoù.
[kemmañ] Annez
War an douar emañ douarenn ki-dour Kanada met en dour e vezont o hemolc'h. E-barzh meur ag annezioù dourel e vezont o chom : lennoù, stêrioù, geunnioù pe zoken, e kornioù-bro'zo, er mor. Alies e kaver anezho asambles gant an avanked a grouont un endro peurvat evito.
[kemmañ] Emzalc'h
Pesked a zebr ki-dour Kanada dreist holl met ne ra ket fae war raned, krestennegoù pe bronneged vihan. Wechoù'zo e argaso ar re vrasañ evned-dour evel an houidi, ar gwazi pe zoken an c'herc'heized. Oberiantoc'h e vezont e-pad an nozh pe tarzh an deiz met galloud a reont mont er-maez e-pad an deiz ivez pa ne vezont diazezet gant an dud. Gant musk ha troazh e verkont o zachennad. Implijout a reont alies douarennoù kleuzet gant anevaled arall ha lazhañ avanked a c'hellont zoken da laerañ o zoull. Diarbenn a reont ar barezed ar piri pa vezont o re vihan yaouank c'hoazh. Distreiñ a raio hemañ d'he skoazell pan int koshoc'h avat. E fin ar goañv pe e deroù an nevezamzer e vezont o parañ kon-dour Kanada. O re vihan a zoug ar barrezed e-pad div viz. Etre 1 ha 6 menn o-deus.
C'hoarius tre ez eo kon-dour Kanada met argasus ez int gant an dud. N'eo ket posupl d'o mirout evel anevaled-ti;
[kemmañ] Mirerezh
Hemloc'het e oa bet ki-dour Kanada evit e greoñ hag en abeg eus an dra-se ez eo aet da get en un darn eus e anez kozh. Aotret eo an hemoc'h c'hoazh e kornioù-bro ma'z eo fonnus c'hoazh. Ebarzhet adarre e oa bet ivez e rannvroioù lec'h ma oa aet da get evel pleg-mor Hudson.
N'eo ket ki-dour Kanada en arvar met kinniget eo e lodennoù e anez en abeg d'an hemolc'h pe da zistrujadur e annez.
