Juche
Diwar Wikipedia, an holloueziadur digor
Skrivet eo ar pennad-mañ e Peurunvan
Juche | |
---|---|
Anv koreanek | |
Hangeul: | 주체 |
Hanja: | 主體 |
Treuz. McCune-Reischauer: | Chu-ch'e |
Treuzkrivadur arnevez: | Ju-che |
Ideologiezh ofisiel Republik Demokratel Poblek Korea (RDPK) eo ar Juche Sasang. E koreaneg an termenn juche a dalvez kement ha emvasterezh, da lâret eo an doare ma c'hell ur stad evel RDPK (pe Korea an Norzh) talvezout drezi hag evit hec'h unan. Hervez ideologiezh ar juche neuze e rank ur vro gallout tizhout an dispac'h a-drugarez da labourerion ar vro hec'h-unan kentoc'h evit dre en em harpañ ouzh ur vro all. Kaset e vez da benn an ideologiezh emvastañ da benn betek e pep keñver : armerzh, gounezerezh, surentez milourel h.a.
Diazezet eo an ideologiezh juche war tezennoù Kim Il-sung. Meur a wech e vez kredet ez eo an ideologiezh juche kevatal d'ar stalinouriezh, met e gwirionez ez eo disheñvel-tre an eil diouzh eben e meur a geñver.
Skignet eo bet an ideologiezh juche gant gouarnamant RDPK dre ar skolioù abaoe ma oa bet implijet an termenn-se evit ar wech kentañ en un diviz graet gant Kim Il-sung e 1955. Er penn kentañ e oa an ideologiezh diazezet war daou boent pennañ:
-
- perc'hen war dispac'h ar proletariad eo an dud; ha
-
- mab-den a hini eo a zo mestr war an dispac'h
Evit ar pezh a denn d'an armerzh e kelenn an ideologiezh juche ez eo ret gallout emvastañ e-keñver ezhommoù armerzhel ha servijoù an dud en ur virout da gas war-raok dellezegezh hag emrenerezh ar vro he he fezh. Strivoù bras zo bet graet gant gouarnamant ha tud ar vro evit tizhout ha kenderc'hel gant ar pal-se abaoe ar bloavezhioù 60. Bountet eo bet war an ijinerezh pounner dreist-holl met klasket eo bet diorroiñ ivez surentez vilourel arr vro hag al labourerezh-douar war un dro.
A-drugarez da vezañ lakaet e pleustr ur politikerezh armerzhel diazezet war an ideologiezh juche anvet Chollima (da c'houde Taean) er bloavezhioù 60 e teuas a-benn ar vro da vezañ emren dre diorroiñ an armerzh en un doare buan-tre.
E 1977 e voe kemeret plas ar varksouriezh-leninouriezh gant an ideologiezh juche e bonreizh, o vont neuze da ideologiezh ofisiel RDPK.
Tud 'zo o deus lâret ez eo an ideologiezh juche un doare filozofiezh relijiel, met nac'het e vez kemendall gant gouarnamant Republik Demokratel Poblek Korea.
Daoust ha ma oe savet an ideologiezh juche a-ratozh-kaer evit servij ezhommoù Korea e vez studiet gant meur a hini en Europa ha dre ar bed a-bezh evit gwelet penaos tennañ gounit diouti evit he lakaat e pleustr en ur vro all.
[kemmañ] Gwelet ivez:
-
- Komunouriezh
- Marksouriezh-leninouriezh
- Stalinouriezh
[kemmañ] Liammoù diavaez: