Haudenosaunee

Diwar Wikipedia, an holloueziadur digor

Haudenosaunee a zo anv ur c'hevre meuriadoù Indianed anavezet ivez gant an anv gallek Iroquois (stumm a vez graet gantañ ivez e saozneg) pe Irokezed e brezhoneg, an anv diwezhañ-mañ a zeu eus an algonkineg (bez' e oa an Algonkined enebourien d’an Haudenosaunee hag a-du gant ar Frañsizien).
Ar ger Haudenosaunee a dalvez Pobl a sav un ti hir.
Hiziv an deiz e vezont kavet a bep tu d'an harzoù a zisparti Kanada diouzh ar Stadoù-Unanet, e proviñsoù Ontario, Kebek, hag e Stad New York.

Taolenn 1 Pobladoù ar C'hevre 2 Poblañs 3 Yezh 4 Banniel

[kemmañ] Pobladoù ar C'hevre

Anv saoznek	Anv er yezh orin	Talvoudegezh	Bro er XVIIvet hag en XVIIIvet kantved
Seneca ¹	Onondowahgah	Poblad an Dorgenn Veur	Lenn Seneca ha Stêr Genesee
Cayuga ¹	Guyohkohnyoh	Poblad ar C'heun Veur	Lenn Cayuga
Onondaga ¹	Onundagaono	Poblad an Torgennoù	Lenn Onondaga
Oneida ¹	Onayotekaono	Poblad ar Maen-sav	Lenn Oneida
Mohawk ¹	Kanien'kéhaka	Poblad ar Maen-tan	Stêr Mohawk
Tuscarora ²	Ska-Ruh-Reh	Poblad a wisk krezioù	Eus North Carolina, diazezet etre Oneidas hag Onondagas

Notenn 1: Ezel eus ar Pemp poblad orin (eus ar c'hornaoueg d'ar reter)

Notenn 2: C'hwec'h poblad (e 1720)

[kemmañ] Poblañs

War-dro 75,000 a dud a zo er pobladoù-se, 45,000 e Kanada ha 30,000 er Stadoù-Unanet.

[kemmañ] Yezh

N'eus nemet 5% eus an Haudenosaunee a-gement a oufe o yezh, eus rummad an irokezeg.

Poblad Poblañs anv ar yezh yezher=dregantad

• Cayuga 10.000 Goyogo̱hó:nǫ’ 62=0.62%
• Mohawk 35.000 Kanien'keha 3.433=9.81%
• Oneida 14.000 Onʌyota’a:ka 160=1.14%
• Onondaga 1.200 Onǫda’géga’ 17=1.42%
• Onodowohgah 15.000 Onödowága 25=0.17%
• Tuscarora 1.000 Skarù∙rę’ 12=1.2%
  • hollad an Haudenosaunee 76,200 Rotinonhsón:ni 3,709=4,86%

Ur seizhvet yezh irokezek a zo:

• Cherokee 308,132 Tsalagi 22,500=7.30%

[kemmañ] Banniel

Banniel modern an Haudenosaunee a zispak arouez kozh unaniezh ar pemp meuriad kentañ: Gouriz Hiawatha hag a sav da gen kozh ha 400 vloaz (savet e oa bet ar c'hevre e 1570).