Перамяненне Панскае
Зьвесткі зь Вікіпэдыі — вольнай энцыкляпэдыі.
 |
Гэта — накід артыкула. Вы можаце дапамагчы Вікіпэдыі, напісаўшы яго, для гэтага націсьніце спасылку «Рэдагаваць». |
Праабражэ́ньне, Ператварэ́ньне ці Перамяне́ньне Па́нскае, Другі Спас (Яблычны) летняе сьвята, якое адзначаецца 6 жніўня:
- у Каталіцкім касьцёле - па новым стылі
- у Праваслаўнай царкве - па старым стылі (па новым стылі - 19 жніўня).
Зьмест |
[рэдагаваць] Праваслаўная традыцыя
Сьвята Ператварэньня Гасподняга зьвязана з наступнай эвангельскай падзеяй. Незадоўга да Сваіх пакутаў Ісус Хрыстос узяў трох бліжэйшых вучняў - Пятра, Іакава і Іаана і ўзышоў зь імі памаліцца на высокую Фаворскую гару. Зрабіў Ён гэта дзеля таго, каб раскрыць ім Сваю Божую славутасьць і падтрымаць у іх веру, калі ўбачаць яны зь цягам часу Ягоныя пакуты. Пакуль Збавіцель маліўся, вучні, стаміўшыся, паснулі. Калі ж яны прачнуліся, то ўбачылі Хрыста ператвораным: твар Ягоны зьзяў, як сонца, а вопратка стала белая й зіхатлівая. У гэты час зьявіліся да яго два прарокі, Майсей і Ільля, і гутарыді зь ім аб пакутах і сьмерці, якія Яму належыла зазнаць у Іерусаліме. Раптам сьветлае воблака агарнула вучняў, і яны пачулі голас Бога Айца: "Гэта Сын мой Любы, у Якім Маё благаваленьне. Яго слухайце!" (Мф. 17:5). Вучні ў страху кінуліся долу, Ісус Хрыстос падышоў да іх і сказаў: "Устаньце і ня бойцеся", пасьля чаго яны ўбачылі Яго ў звычайным выглядзе. Сыходзячы з гары, Ісус Хрыстос загадаў вучням не расказваць аб тым, што яны бачылі, да часу Яго ўвасерэсеньня зь мёртвых. Сьвята гэтае ў народзе называецца "Другім Спасам", ці "Спасам Яблычным", бо ў гэты дзень у храмы прыносяць для асьвячэньня яблыкі і іншую садавіну новага ўраджаю.
Ніжэй пададзеныя сьвяточныя сьпевы ў рэдакцыі Біблейскае Камісіі БПЦ.
[рэдагаваць] Трапар сьвята Праабражэньня Гасподняга, глас 7
Праабразіўся Ты на гары,Хрысьце Божа,/ паказаўшы вучням Тваім славу Тваю, наколькі было ім магчыма./ Няхай і нам, грэшным, зазьзяе сьвятло Тваё вечнае,// па малітвах Багародзіцы, Сьвятладаўца, слава Табе.
[рэдагаваць] Кандак сьвята Праабражэньня Гасподняга, глас 7
На гары праабразіўся Ты,/ і вучні Твае бачылі славу Тваю, Хрысьце́ Божа, наколькі маглі ўспрыня́ць яе,/ каб, убачыўшы Цябе расьпінаемага,/ зразумелі, што мукі Твае дабравольныя,/ і сьвету прапаведалі,// што Ты сапраўды ёсьць Ойчае зьзяньне.
[рэдагаваць] Задастойнік сьвята Праабражэньня Гасподняга
Велічай, душа мая, Госпада, які праабразіўся на Фаворы. Нараджэньне зь Цябе было цнатлі́вым: Бог выйшаў з Твайго ўло́ньня, зьявіўся на зямлі ў плоці і жыў зь людзьмі. Таму Цябе, Багародзіца, мы ўсе велічаем.
[рэдагаваць] Каталіцкая традыцыя
У Каталіцкім касьцёле сьвята ўсталяванае ў 1456 годзе папам Калістам ІІІ у гонар перамогі хрысьціянскай (праваслаўна-каталіцкай) кааліцыі над туркамі пад Бялградам у 1456 годзе. У сучасным каталіцкім календары сьвяту надаецца меншае значэньне, але яно шырока сьвяткуецца ў праваслаўнай (19 жніўня) і армянскай цэрквах (Праабражэньне або Спас).
