Наваполацк

Зьвесткі зь Вікіпэдыі — вольнай энцыкляпэдыі.

Гэта — накід артыкула. Вы можаце дапамагчы Вікіпэдыі, напісаўшы яго, для гэтага націсьніце спасылку «Рэдагаваць».

Наваполацк

Плошча

? км²

Насельніцтва

101.000

Тэлефонны код

+375 214

Паштовы індэкс

211440 – 211449, 211501

Навапо́лацк — горад абласнога падпарадкаваньня ў Віцебскай вобласьці Беларусі.

[рэдагаваць] Назва

1958 – 1959: Піянерскі
1959 – 1963: Полацкі
з 1963: Наваполацк

Першапачатковыя назвы — Піянерскі, Полацкі — відавочна, былі часовымі. У якасьці назваў маладога горада прапаноўваліся Нафтабуд, Камсамольск-на-Дзьвіне. Аднак была прынятая назва, якая адлюстроўвае суседзтва са старажытным Полацкам.

[рэдагаваць] Гісторыя

Будаўніцтва горада распачалося 7 чэрвеня 1958 году, у сувязі з будаўніцтвам нафтапераробчага завода (цяпер — ААТ «Нафтан»). 5 лістапада таго ж года першыя будынкі былі здадзеныя ў эксплёатацыю. За гэтымі будынкамі замацавалася назва «баракі». Селішча атрымала назву Піянерскі.

У 1963 годзе населены пункт атрымаў статус горада; тады ж ён быў названы Наваполацкам. У гэтым жа годзе на нафтапераробчым заводзе быў атрыманы першы беларускі бэнзін.

У 1964 годзе пачалося будаўніцтва яшчэ аднаго прамысловага гіганта — Полацкага Хімічнага Камбіната (цяпер — ААТ «Палімір»). Першы беларускі поліэтылен быў атрыманы на ім у 1967 годзе.

У 1975 годзе было пачатае будаўніцтва завода бялкова-вітамінных канцэнтратаў (БВК). Будаўніцтва было завершанае ў 1978 годзе.

Такім чынам, Полацкі рэгіён ператварыўся ў буйны прамысловы цэнтар агульнасаюзнага значэньня.

З распадам СССР прамысловасьць горада, моцна залежная ад былых савецкіх рэспублік, трапіла ў крызыс. Прамысловыя гіганты горада вымушаныя былі спыніць або значна скараціць вытворчасьць. Шмат людзей былі звольненыя «па скарачэньні штату». Гэта, аднак, мела і станоўчы бок: у 1990-х значна палепшылася экалягічнае становішча ў горадзе, якое ў 1980-я гады было найпаганейшым у рэспубліцы. Але ў другой палове 1990-х — у вялікай ступені дзякуючы асабістым намаганьням Прэзыдэнта Лукашэнкі — прадпрыемствы наладзілі вытворчасьць і цяпер зьяўляюцца аднымі зь вядучых у рэспубліцы. У 2002 годзе, пасьля дзесяцігадовага прастою, была адноўленая вытворчасьць на БВК.