Блоґ
Зьвесткі зь Вікіпэдыі — вольнай энцыкляпэдыі.
Блоґ (блог, па-ангельску blog, ад web log — «сеткавы часапіс падзей») — вэбсайт, асноўны зьмест якога — гэта запісы, якія рэгулярна дадаюцца уладальнікам блоґу, артыкулы або іншыя формы дадзеных. Характэрнымі для блоґаў зьяўляюцца кароткія запісы часовага значэньня.
Зьмест |
Агульная інфармацыя
Па аўтарскім складзе блоґі могуць быць асабістымі, групавымі (карпаратыўныя, клюбныя й г.д.) або грамадзкімі. Па зьмесьце — тэматычнымі або агульнымі.
Звычайным для блоґаў зьяўляецца мажлівасьць напісаньня водгукаў да ўсіх запісаў. Гэта мае важнае значэньне ва ўжываньні блоґаў у якасьці асяродку сеткавых зносінаў, якая мае шэраг яўных пераваг над электроннай поштай, чатамі або форумамі.
Вядзеньне блоґу робіцца магчымым пры наяўнасьці праграмнага забесьпячэньня, якое дазваляе карыстальніку, не ўмеламу ў вэб-распрацоўцы, дадаваць і зьмяняць запісы й рабіць іх дасяжнымі ва Сусьветным сеціве. Такое ПЗ (якое звычайна завецца рухавічком блоґу, і якое адносіцца да сыстэмаў кіраваньня зьместам) можа быць разьмешчанае на асабістым сайце аўтара, або ў адной з сыстэм, якія прадстаўляюць месца спэцыяльна для блоґаў. Звычайна запісы распаўсюджваюцца праз RSS-канал.
У беларускай частцы сусьветнага сеціва блоґаў з кожным днём становіцца штораз больш. Бальшыня зь іх гуртуецца на самай вядомай у сьвеце сыстэме вядзеньня асабістых і калектыўных дзёньнікаў Livejournal.com. Блог-сыстэма Livejournal дазваляе весьці ня толькі пэрсанальныя блогі. але і групавыя - т.зв. суполкі (па-ангельску: community), гэта блог, куды карыстальнікі зьмяшчаюць допісы, аб'яднаныя нейкай адной тэматыкай.
Сыстэмы блоґаў
- Livejournal — адна з самых вядомых ў сьвеце сыстэмаў вядзеньня дзёньнікаў
- Blogger — вельмі папулярная англамоўная служба
- Blogsome — яшчэ адзіная сыстэма блоґаў
- Беларускі блоґінг — беларуская сыстэма блоґаў
Рухавічкі блоґаў
- Register — вядомы расейскамоўны рухавічок
- Strawberry — многафункцыянальны расейскамоўны скрыпт на PHP
- e2 — спэцыялізаваны расейскамоўны рухавічок для блоґаў
- InTerra Blog Machine — расейскамоўны рухавічок для блоґаў
- Movable Type — многафункцыянальны англамоўны скрыпт
- WordPress — англамоўны рухавічок са шматлікімі магчымасьцямі
- Textpattern — многафункцыянальны англамоўны рухавічок
Прыклады беларускамоўных блоґаў
- bielarusy — аб'яднаная стужка беларускіх блоґаў на LiveJournal.com
- Бібліятэкары Беларусі — бібліятэчны блоґ на inf.by
- "два бакі аднаго блогера" — беларускі блоґ па-беларуску і па-ангельску
Гл. таксама
- Фармат RSS
- Подкастынг (аўдыёблоґ або радыёблоґ)
- Сьпіс блоґаў вядомых беларусаў
- Сьпіс беларускіх суполак на Livejournal
Зьнешнія спасылкі
- «Пяцьдзясят кілябайтаў жыцьця» артыкул пра блоґі ў газэце «Наша Ніва» (№14 (420), 15 красавіка 2005)
