Judentum
Aus Wikipedia
Inhaltsverzeichnis |
[dro wärkln] Wieso hoasst des Jud ?
Da Nama „Judn“ hoasst sovui wia „Judäer“ und kimmt vom hiesigen Königreich Juda und oana der in Juda gwohnt hod, der war aus dem Grund a Judäer. „Judentum“ hoasst eigentlich soviu, wie des wos der erste Stamm vo de Judn glaubt hod. Ois seiner Zeit von de Babylonier davo san und wieda dahoam warn, hod ma der einfachheit hoilber zu olle „Judäer“ gsagt. Ois dann de sogenannte Diaspora war, hams sich selber „Jud“ gnennt.
[dro wärkln] Wia is entstandn ?
s Judntum is wahrscheinlich, wenn ma de oidn Leid glaubt, oane da ältesten Religionen de ma auf dera Erdn ham.
Entstandn sois sei, ois da Moses auszogn is und koa Lust mehr ghabt hod für a hoibe an ganz doog umananda zum krebsen und rumzumwurschteln. Irgendwann a moi hats eam oiso glangt und hod seine Leit zammegruafa, für an Streik. Dann issa zum Pharao higanga, hod eam gsagt: Er da Pharao ko eam an Moses und seine Leid a moi gern ham und is losmarschiert. Da Moses hod dann 5 Biacher gschriebn, de bei de Judn heid, Tora hoasst. Des is sovui wia bei uns de Bibel.
[dro wärkln] Wo kummans her ?
De heilige Stadt von dene is Jerusalem und eana vo Gott der amoi jurz do war, überlossen und sozusagen gschenkt wordn sei. Ganz wuide von dene sogn sogar: Da liabe Gott hod eana sogar de ganze Weid geschenkt. Heut z Tag kennt ma Jerusalem und de Judn daher, das a se ollawei mit de Muselmanen da unten umanad schlogn, weil de a da Meinugn san, das eane de Weid ghead und ganz besonders ghead eane Jerusalem. Ma kannt scho fast moana, des is da Nabel da Weid da unten. Ganz berühmt is a so a Mauer, wos olle oiwei higengan. Do an dera Mauer, do deafans dann ois aussa lossn, wo eane grod ned so basst. Die Mauer hoasst a Klagemauer.
[dro wärkln] Wia vui sans ?
Heit gibt so ungefähr 13,3 Milliona Judn auf dera Weid, von dene de meistn in Amerika und Israel san. Durch verschiedenen Emigrations- und Immigrationswellen hod se de Verteilung da Judn in da Weild in de letzten Jahr scho ganz sche verändert. Vor 15 Jahr ham de meisten in da ehemaligen Sowjetunion oiso bei de Russn gwohnt und glebt. Ois dann a de Russn ausm letzen Loch pfiffen ham, sans nach Amerika und Israel zogn, is ja do a wesentlich wärma und ma ko a badn geh.
De meisten Judn leben heut in folgende Länder[1]:
| Land | Judn | % aller Judn | % der Bev. |
|---|---|---|---|
| Amerika | 5.700.000 | 42,9 | 1,9 |
| Israel | 5.025.000 | 37,8 | 76,7 |
| Franzosen | 519.000 | 3,9 | 0,9 |
| Kanada | 364.000 | 2,7 | 1,1 |
| Engländer | 273.500 | 2,1 | 0,5 |
| Russ´n | 265.000 | 2,0 | 0,2 |
| Argentinien | 195.000 | 1,5 | 0,5 |
| Bei uns | 103.000 | 0,8 | 0,1 |
| Ukraine | 100.000 | 0,8 | 0,2 |
| Australien | 99.000 | 0,7 | 0,5 |
| Brasilien | 97.300 | 0,7 | 0,1 |
| Südafrika | 78.000 | 0,6 | 0,2 |
| Ungarn | 51.300 | 0,4 | 0,5 |
| Mexiko | 40.400 | 0,3 | 0,0 |
| Belgien | 31.400 | 0,2 | 0,3 |
| Weid | 13.300.000 | 100,0 | 0,2 |
De Zoin san teilweise ned imemr ganz richtig weil ma nia genau woas wer jetzad gro wo wieda woanders hiziagd. Oiso ned für bahre Münze nehma des ganze, wias hoid a so is mit de Statistiken.
[dro wärkln] Wie schaugns aus ?
Erkenna duat ma de Judn recht einfach, oiso de Rabbiner, so hoassn de Pfarrer dortn, de hom immer ganz lange Haar an da Seiten de sich so naufkringeln und an Huat hams auf. Und bist da ned ganz sicha, nachad schaugst am Samstag bei eam vorbei und wenn a nix duad, issa oana. Denn de deafan am Samstag ned abadn. Wia bei olle Religiona gibts a bei de Judn weichane, de ois ganz genau nehman und anderne de zum Glück ganz "easy" an de Sach ro gengan.
[dro wärkln] Wos glaubns ?
De jüdische Religion basiert auf na religiösen Überlieferungen vo de Judn seiba. De Überlieferungen teilen sich, in a eine schriftliche Lehre, de ma in einer Tora niedergschriebn hod, und na mündlichen Lehre, de hoasst dann Mischna und Talmud.
Beide aber Mischna und Talmud hängan von da Halacha ab, wo sovui is wia des jüdische Gsetz. De Halachah beruht wiederum auf de rabbinischen Gsetzgebungen und sonstigen Verfügungen de ma sich so im Laufe der Zeit ausdacht hod. Des woi bekanntesten Werk is da Schulchan Aruch.
[dro wärkln] Sprach und Schrift
Hebräisch hoast de Sprach und is oane da ältesten jüdischn Schriften und a jeda hats greed oiso a Umgangssprach vo de Judn in da antiken Zeid eanana Unabhängigkeit. Ois Umgangssprach hod sich aber dann nach Jahrhunderten Aramäischen eigschlicha, so wieas de Preissn bei uns machan. Nur no de Pfarrer ham Hebräisch gred wenns an Gottesdienst ghoitn ham. A ganz furchbarschlaue, ham de Sprach no kenna. Aramäische ist eigentlich Hebräischen weils a sehr ähnliche Sprach is. A beim schreibn hod ma s gemerkt das was anders is wia vorher.
Da Jesus zum Beispu, der hod aramäisch gspocha mit seine Leit, oisa de Jünga.
Iwrith, so hoasst des heut wos ma in Israel redt. Im Grunde is des oide Hebräisch, des ma mit de neuan Wörter nur so gspickt hod, so das ma hoid in Hebräisch a sogn ko, das ma a E-Mail grigd hod und des gruzifix glump von Kompujter scho wieder ned mog.
[dro wärkln] Wos deans heid ?
Wia bei olle Religionen, streit ma sich ganz furchtbar drum, wos jetzad da liabe Gott eigentlich so gsogt hod und vor allem, wos a eigentlich so damit gmoand hod. Und so ham sich im Laufe der Zeit an haufa verschiedena Gruppen zamdo und ausananda do und de hoassn zum Beispui a so:
- Orthodoxes Judntum mit seine Unterströmungen
- Modern Orthodox
- Ultraorthodoxes Judntum
- Neoorthodoxes Judntum
- Chassidismus
- Liberals Judntum
- Konservativs Judntum
- Rekonstruktionismus
Was gar ned gern hean, is das ma seit a boor dausend Jahr immer wieda versuacht hod eane den garaus z macha, wira Fluach dens habm und beim letzen moi, wars a scho richtig unguat und nimma sche was dene armen Deifeln do bassiert is. Aba zum Glück hams Glück im Unglück ghabt und de ham sich wieda dafangt. Lebn heut in Amerika udn Israel aber auch sonst überall auf dere Weid sans dahoam, ja bei uns in Bayern a. Und z Minga hams sogar a Synagogn gschenkt griagd.
