Handball

Aus Wikipedia

Handboi is a Mannschaftssportart, bei der zwoa Mannschaften zu je sim Spieler gengananda spuin. Ziel is so wie beim Fuaßboi, an Boi ins gegnarische Toa zum schmeißn. Ma Spuid zwoa moi dreißg Minuten und gwunga hod, wea nochhea de meißdn dial gschmissn hod.

[dro wärkln] Spuiregln

[dro wärkln] Spuifayd

De Dial han an de kuazn Seitn vom rechteckign Spuifayd. Des 40 auf 20 Medda grouß. Es war natürlich witzlos, wenn ma bis zum Tor laufa deafad. Drum is um's Dial da segsmedda-kreis, dea an Torraum fesdlegt, do deaf außam eigna Torward koana nei. Außen rum is no da gschdrichlde neimedda-kreis. In sim medda Entfernung zum Dial is da simmedda-punkt. Vo do aus wean Strafwürfe ausgfüad. Ausgwechsld wean deaf in am bereich vo vieradhoib Medda auf jede Saidn vo da Mittllinie aus, de 's Fayd in zwoa Hayfdn teild.

[dro wärkln] Geschichte vom Handboi

Es is nahliegad, dass ma an Boi mid de Händt fand und schmeißt, do kimd ma eha drauf ois mid de fiaß wo zum macha. Aiso san ähnliche Gschpaya woi scho ziemlich lang gschpuid woan. Handboi wia's mia heid kennan. Kimmd aus'm 20. Jahrhundert. A schwedischer Lehrer hod verschiedene "Handboi"-Spiele vo de Regln hea vaeint. Nachan hod a Preiss des ganze ois Frauenschpui erdacht. Kurz drauf hod da Carl Schelenz 1919 Einige Fuasboiregln midneibrochd und des Gschpui um einiges härter gmacht.