Әхмәҙуллин Вафа Мостафа улы

Википедия – ирекле энциклопедия

Әхмәҙуллин Вафа Мостафа улы, уҡытыусы, Бөйөк Ватан һуғышында ҡатнашыусы.

1922 йылдың 22 февралендә Өфө губернияһы Златоуст өйәйҙе, хәҙерге Башҡортостан республикаһының Мәсетле районы, Һөләймән ауылында тыуған.

1998 йылдың 16 октяберендә Өфө ҡалаһында үлгән. Мәсетле районы Ҡотош ауылы зыяратында ерләнгән.

[үҙгәртергә] Тормош юлы

• 1940 йылда хәрби хеҙмәткә алына.
• 1942 йылдан Украинала хәрәкәт иткән партизандар отрядында взвод командиры.
• 1944 йылдың август айында бер төркөм хәрбиҙәр менән Словак илендә башланған ҡораллы күтәрелешкә ярҙамға ебәрелә. Шул йылдың сентябрь айында «Бейек Татр» исемле партизандар отрядын ойоштора. 1945 йылдың февраль айына тиклем «Бейек Татр» отряды 36 хәрби бәрелеш үткәрә.
• 1945 йылда хәрби хеҙмәттән ҡайтарылғанға тиклем Ураинаның Ужгород өлкәһендә район эске эштәр бүлегендә етәксе урынбаҫары булып эшләй.
• 1946 - 1949 йылдар Ҡорғат ете йыллыҡ мәктәбендә уҡытыусы.
• 1949 - 1951 йылдар Әбдрәхим ете йыллыҡ мәктәбендә директор.
• 1951 - 1952 йылдар Яңы Мишәр ете йыллыҡ мәктәбендә уҡыу - уҡытыу бүлеге мөдире.
• 1952 - 1954 йылдар КПСС-тың Мәсетле район комитетында эшләй.
• 1954 - 1956 йылдар Ләмәҙ-Тамаҡ урта мәктәбендә уҡытыусы, уҡыу - уҡытыу бүлеге мөдире.
• 1956 - 1960 йылдар Нуриманов исемендәге колхозда партия ойошмаһы сәркәтибе.
• 1964 - 1984 йылдар Ләмәҙ-Тамаҡ урта мәктәбендә уҡытыусы, уҡыу - уҡытыу бүлеге мөдире.

1954 йылда Мәсәғүт уҡытыусылар институты, 1964 йылда Стәрлетамаҡ педагогия институтын тамалаған.

• 1-се дәрәжә Бөйөк Ватан һуғышы ордены (1945, 1985)
• 2-се дәрәжә Бөйөк Ватан һуғышы ордены (1975)
• 1939 йылғы Чехословакия тәреһе ордены (1945)
• Партизан һуғышында ҡатнашыусы (1981), Словак милли ҡораллы күтәрелешенә 20 йыл (1964) , Батырлыҡ өсөн (1945) миҙалдары менән бүләкләнгән.

• ЧССР - ҙың хөрмәтле гражданины.(1945)
• БАССР - ҙың атҡаҙанған мәктәп уҡытыусыһы (1989)
• БАССР - ҙың иң яҡшы мәғәрифәтсеһе (1970)

[үҙгәртергә] Әҙәбиәт

• Хажиев Р. Бейек Татр бөркөте. Өфө, 1981;
• Муса Ғәли. Тауҙар төш күрә. Өфө, 1995;
• Леонов Л. Высокие Татры. Москва, 1968;
• Беньо Л. Бейек Татр ирек өсөн көрәшә. Попрад, 1982 (словак телендә);
• Свобода Л. От Бузулука до Праги. Москва, 1984.

[үҙгәртергә] Cығанаҡ

• Башкирская энциклопедия. в 7 т. / Главный редактор М.А.Ильгамов. Б33 Т.1: А-В. Уфа: Башкирская энциклопедия, 2005. - 624 с.: ил.: карт. ISBN 5-88185-053-X
• Мечетлинский район Республики Башкортостан.Краткая энциклопедия. Авторы-составители: Ризван Хажиев, Гельшат Хусаинова. Уфа: Издательско-полиграфический комплекс при Администрации Президента Республики Башкортостан, 2000.