Veriña

De Uiquipedia

Veriña ye la parroquia más pequeña del conceyu de Xixón, na Comunidá autónoma d'Asturies. Per ella pasa'l ríu Aboño.

En 2005 tenía una población de 194 habitantes. Ta dividía nos barrios de Veriña d'Arriba (118 persones) y Veriña d'Abajo (76).

Asitiada nel occidente del conceyu, ye un importante nudu ferroviariu, ya que cuenta con una estación de Renfe y un apeaderu de FEVE.

[editar] Pasáu y presente industrial

Contaba a finales del sieglu XIX con una "Gran fábrica de Licores y Aguardientes", perteneciente a la razón social de los Sres. M. Cuesta y Compañía, asitiada a ochocientos metros de la estación. Según la publicidá de la dómina fabricaba y vendía licores de todas las clases, especialmente el riquísimo ANISETE DE VERIÑA.

Igualmente contó con una importante fábrica azucarera, la primera asitiada n'Asturies d'esti ramu, que tuvo activa hasta los años sesenta, condicionando los cultivos agrícoles de la parroquia y de la redolada dedicaos en buena midida a la remolacha. Establecióse nel añu 1893, con un capital social de 1.500.000 pesetes, y ocupaba una superficie de dos hectaries, nun tarrén averáu a la llínea del ferrocarril de Xixón a Madrid.

La factoría siderúrxica de Veriña (Arcelor), en realidá ta asitiada en tarrén perteneciente a la parroquia de Fresno.

[editar] Deporte

Veriña cuenta con unu de los equipos de fútbol base de mayor sonadía del conceyu de Xixón, y que tien algamao importante triunfos deportivos: el Veriña C.F. Por él pasaron xugadores que con posterioridá llegaríen al profesinalismu de la mano d'equipos como'l Sporting o el Uviéu.

[editar] Fiestes y cultura popular

El 11 de payares celebra la fiesta de Samartín na capiella del mesmu nome, asitiada nun altu averáu a la factoría d'Arcelor.

El nome de la parroquia ye popular nel mundu del folklore asturianu de la mano de José Antonio García Suárez, El Gaiteru de Veriña, anque realmente naciera en Puao en 1928.