El Gaiteru de Veriña
De Uiquipedia
José Antonio García Suárez, más conocíu como'l Gaiteru de Veriña, (Puao, Xixón, 16 de xunu de 1928 – Villaverde, Villaviciosa, 25 de setiembre de 2006), yera un músicu tradicional asturianu.
Magar de tener nacío en Puao, el nome pol que foi conocíu nel ámbitu musical y folklóricu yera'l de El Gaiteru de Veriña. L’entornu familiar facilitó el so contactu cola gaita yá que so padre, Ramón d’Antón, y un tíu suyu tocaben esti instrumentu, aunque él reconoció siempre como'l so maestru a David Alonso, de Llanera. A los catorce años interpretó la so primera misa de gaita en Pruvia.
Formó parexa con munchos tamboriteros aunque l'habitual yera Sariles. Con quince años tuvo la oportunidá d'acompañar a La Busdonga, igualmente, a lo llargo de la so carrera tocaría pa los grandes de la tonada: José Noriega, Diamantina, El Tordín de Frieres, Josefina Argüelles, Miranda, Mari Luz Cristóbal Caunedo, ...
Nos años setenta formó parte de l'agrupación “Así canta Asturias”.
Unu de los sos últimos trabayos discográficos foi la misa asturiana de gaita que grabó xunto a Pedro Pangua y Mari Luz Cristóbal, recuperando d'esta manera una pieza que fuera bien popular nel mundu rural asturianu.
Esti artículu ye un entamu, ampliándolu, ayudarás a meyorar la Uiquipedia
