Unidá de masa atómica

De Uiquipedia

La unidá de masa atómica, tamién conocida como uma, o Dalton (pol químicu John Dalton), ye la unidá más pequeña que s'emplega pa espresar les mases atómiques y moleculares.

Ye equivalente a una doceava parte de la masa del nucleu del isótopu más abundante del carbonu: el ¹²C. Ye más o menos igual a la masa d'un protón. Delles vegaes atópase como amu, del inglés Atomic Mass Unit.

Les mases atómiques de los elementos químicos daes nesta unidá suelen ser calculaes cola media de les mases de los distintos isótopos de cada elementu, polo que'l númberu de nucleones que tien un elementu nun suel coincidir col de la masa atómica.

1 uma = 1,66053886 x 10^-27 kg

1 g = 6,0221415 x 10²³ uma

Por exemplu, la masa atómica del siliciu ye de 28,1 uma.

Equival a la masa atómica espresada en g/mol (gramos por mol), ye dicir, la masa de N_A átomos o molécules d'una sustancia espresada en gramos. El N_A ye'l llamáu Númberu d'Avogadro, equivalente a: N_A = (6,0221415 ± 0,0000010) × 10²³ mol⁻¹.