Radiación gamma
De Uiquipedia
| Procesos nucleares |
|---|
Desintegración radioactiva
Nucleosíntesis
|
La radiación gamma ye la radiación más enerxética del espectru electromagnéticu, ye dicir, los fotones de llonxitú d'onda más curtia, o dicho d'otra manera los fotones de frecuencia más alta. Estos fotones son más enerxéticos que los rayos X (tamién nomaos rayos Röntgen pola mor del so descubridor, Wilhelm Kenard Röntgen). La enerxía d'esta triba de radiación suel midise en megaelectrón-voltios (MeV). Un MeV correspuende a fotones gamma de llonxitúes d'onda menores de 10-11 m o frecuencies mayores de 1019 Hz.
Los rayos gamma prodúcense namái nes desintegraciones radioactives de núcleos atómicos, o en procesos d'enerxíes peraltes, como nel casu de la radiación de sincrotrón. A causa de les altes enerxíes que tienen, los rayos gamma constitúin una mena de radiación ionizante capaz de penetrar na materia más fonderamente que la radiación alfa o beta. Dada la so alta enerxía puen causar daños al nucleu de les célules, polo que son usaos pa esterilizar equipos médicos y alimentos.
