Pterosauria
De Uiquipedia
Pterosaurios Estáu: Fósil |
||||||||
---|---|---|---|---|---|---|---|---|
Un Pteranodon estudiáu en 1914 |
||||||||
Clasificación científica | ||||||||
Plantilla:Taxobox norank entry Plantilla:Taxobox authority
|
||||||||
Subórdenes | ||||||||
Rhamphorhynchoidea |
Los pterosaurios ("llagartos alaos") son un grupu de reptiles voladores qu'esistieren durante la Era Mesozoica. Les sos ales taben formaes por una complexa membrana sostenía pol cuartu déu de la man, que taba hipertrofiáu. El so cuerpu taba cubiertu pelo, calteníu en fósiles d'a lo menos tres especies estremaes.
Los fósiles más antiguos de pterosaurios conocíos pertenecen a lo menos al Triásicu tardíu. El más antiguu llámase Eudimorphodon. Ye pequenu, rabu col final en forma de rombu, y dientes en dambes mandíbules.
Los primeros pterosaurios, desendolcaos ente'l Triásicu tardíu y entamos del Xurásicu, yeren asemeyaos al Eudimorphodon; pequenu, rabu llargu, y dientes (como'l Rhamphorynchus, que tinía dientes que zarrábense en forma de trampa).
Yá nel Cretácicu diversificárense en delles formes: dalgunos ensin rabu y ensin dientes (como'l Pteranodon), otros del tamañu d'un avión de la Primera Guerra Mundial (como Quetzalcoatlus, l'anmimal capaz d'ensalar más grande'l mundiu enxamás conocíu), numberosos con crestes (como Dsungaripterus y Pteranodon), y otros con otres carauterístiques (como'l Ctenochasma, que semeyaba una garza y filtraba plancton al traviés de los sos finos dientes).
Paez que los pterosaurios perdieron muncha de la so diversidá enantes de finar la Era Mesozoica. Namái se conoz una especie qu'esistiere nel momentu de la gran estinción masiva del Cretácicu: Quetzalcoatlus northropi.