Patrón de diseñu
De Uiquipedia
Un patrón de diseñu ye una propuesta de solución pa un tipu de problema que repitese con frecuencia. Nun ye una solución definitiva, que vaya a aplicase direutamente; ye una descripción de cómo solucionar esi tipu de problema, y al aplicar esa solución adaptaráse a les circunstancies concretes.
La idega de los patrones de diseñu vien de la estaya de l'arquitectura y atribúise a Cristopher Alexander. La so idega yera tener exemplos típicos de soluciones pa construir ciudades y cases.
D'equí, la idega pasó a la informática, y emplégase na inxeniería del software comu una téunica más. Como se dixo enriba, un patrón de diseñu nun ye daqué que pueda traducise direutamente a códigu fonte; ye una propuesta pa un diseñu de software.
N'informática, la fonte más famosa de patrones de diseñu ye el llibru Design Patterns: Elements of Reusable Object-Oriented Software, espublizáu'n 1994 por Erich Gamma, Richard Helm, Ralph Johnson y John Vlissides. Ye de xuru'l llibru más importante sobre'l tema, y a los sos autores llámaselos The Gang of Four (la banda de los cuatro). Poles iniciales d'esa espresión inglesa, el so llibru llámase delles veces cenciellamente "el GOF".
