Códigu fonte
De Uiquipedia
El códigu fonte (de cutio nomáu cenciellamente códigu o fonte) ye'l testu orixinal d'un programa d'ordenador, escritu en dalgún llinguaxe de programación.
El códigu fonte caltién les instrucciones pa qu'un ordenador faiga daqué, pero eses instrucciones tienen una forma qu'una persona pue escribir y caltriar. Guárdense en dellos ficheros de testu, que puen lleese, imprimise, etc.
Lo normal ye qu'el ordenador nun caltrie'l códigu fonte direutamente; pa qu'emplegue eses instrucciones na práutica, fai falta enantes procesar el códigu fonte coles ferramientes afayadices (normalmente, otru programa nomáu compilador o intérprete).
