Ficheru informáticu

De Uiquipedia

N'informática, un ficheru (tamién nomáu archivu) ye una secuencia finita de bytes atroxaos na memoria secundaria d'un ordenador. El ficheru caltién información que de dalguna manera tien una entidá llóxica.

El ficheru tará nun sistema de ficheros, que tendrá delles carauterístiques particulares, pero munchos dellos tienen éstes en concreto:

• El ficheru tien un nome. Pue facese referencia al ficheru pol nome.
• Los ficheros puen tar dientro carpetes o subdireutorios. Dientro una carpeta pue haber otres carpetes y/o ficheros.
• Frecuentemente, les últimes lletres del nome, separtaes del restu por un puntu, formen lo que se llama la estensión. Esta estensión da idega de cómu entepretar la información contenida nel ficheru. Por exemplu, en dalgunos sistemes operativos, si'l nome'l ficheru acaba per .TXT, de xuru que cada byte del ficheru representa una lletra en códigu ASCII. (Otros sistemas operativos nun empleguen pa nada la estensión, y el significáu del conteníu d'un ficheru sábese por otros medios).
• Los ficheros tienen otres carauterístiques, comu'l so tamañu, si pue camudase'l so conteníu o non, etc.

Al atroxar información nun ficheru, esta consérvase permanentemente (hasta que se camude). Lo normal ye que los ficheros los manexen programes iguaos pa facelo.

[editar] Enllaces esternos

• Información sobre nomes d'archivu (n'español)