Anatolia
De Uiquipedia
Anatolia (del griegu: anatholé: oriente) ou Asia Menor, ye una península allugada nu Mediu Oriente, anguaño representa la parte asiática de Turquía. Llenda al norte col Mar Prietu, al este colos Montes Tauru y col Antitauru, al sur col Mar Mediterraneu y al oeste col Mar Exéu y el Mar de Mármara. Ta separtada d'Europa pol estreitu del Bósforo.
Ente los griegos antigos nomábase cenciellamente como Asia, nomatu que dempués espardiéuse pa tol continente.
Como ponte ente Europa y Asia, yá que xeográficamente pertenez a la segunda pero hestóricamente a la primera, fou abeyugu de deillos pueblos y imperios, ente los que destacan, Troya, l'Imperiu Hitita, Frixia, Lidia, l'Imperiu Bizantín y l'Imperiu Otomanu.
