Pietro I d'Aragón
De Biquipedia
|
||
| Informazión | ||
|---|---|---|
| Rei en |  Aragón y  Nabarra |
|
| dende | 1094 | |
| dica | 1104 | |
| Prezedito por | Sancho Remíriz | |
| Suzedito por | Alifonso I | |
| Naximiento | 1070 | |
| Muerte | 1104 | |
Pietro I d'Aragón u Pero I d'Aragón (1070 - † 1104) rei d'Aragón y de Nabarra (1094 - 1104). Fillo de Sancho Remíriz y Isabel d'Urchel. Dende o 4 de chunio de 1094 estió rei d'Aragón y de Nabarra, cuan ya lo yera de Sobrarbe y Ribagorza dende 1085.
O reinato de Pietro I senificó a enampladura d'o territorio aragonés en as suyas partis zentral y oriental, en plegando dica la Sarra d'Alcubierre y os Monegros.
Conquistó Uesca (1095), dimpués de redotar á Mustain de Zaragoza en l'Alcoraz. Luitó chunto á lo Zid en a baralla de Bairén (1097), prenió Balbastro (1101), Sariñena y intentó conquistar Zaragoza. Encorraló Tamarit de Litera (1104). Reglamentó lo fuero d'os infanzons.
Afinco a supremazía melitar d'as tropas cristianas sobre as musulmanas, morió lo 28 de setiembre de 1104, en a Bal d'Arán.
Se casó en primeras nunzias con Inés d'Aquitania, en Chaca, en 1086, d'a que naxioron dos fillos que morioron antis que o suyo pai:
- Pietro d'Aragón, que casó con María Rodríguez filla d'o Zid, que morió en 1104.
- Inés d'Aragón, que morió en 1103.
En segundas nunzias se casó lo 16 d'agosto de 1097 en Uesca con Berta, a qui li dió como dote unas tierras en a Galliguera, en a cuala gubernaría barios años dimpués d'a suya muerte.
| Prezedito per: Sancho Remíriz |
Rei d'Aragón | Suzedito per: Alifonso I |
| Prezedito per: Sancho Remíriz |
Rei de Nabarra | Suzedito per: Alifonso I |
