Pico Zelindro Marmorés
De Biquipedia
| Zelindro Marmorés | |
 |
|
| Altaria | 3.328 m |
| Latitú | 42° 41′ N |
| Lonchitú | 0° 01′ E |
| Situazión | Bal d'Ordesa, Uesca, Aragón |
| Cordelera | Perinés |
| Primera puyada | - |
| Rota de puyada más fázil |
Dende o Cubillar de Góriz |
O Pico Zelindro Marmorés (Cilindro de Marboré en español) ye un pico de 3.328 m. d'altaria d'o mazizo de Mon Perdiu, dentro d'a ralla d'os Perinés y que se situa en a muga entre España (Bal d'Ordesa) y Franzia (Zirco de Gavarnie), estando encluso tanto en o español Parque Nazional d'Ordesa y Mon Perdiu como en o franzés Parque Nazional d'os Perinés. Dentro d'o mazizo de Mon Perdiu, as tres tucas mayors se conoxen como as Tres Serols (Tres Sorores en español), d'as que o Pico Zelindro (3.328 m.) ye a más ozidental y siguen o mesmo Mon Perdiu (3.355 m.) y o Pico Añisclo (3.263 m.).
O suyo nome se debe á a suya cara Norte, una paret bertical redondiada con una forma que remera a un zelindro cheometrico y a suya embotada se debe a que la mesma cara Norte xalapa o zirco chelegar de Marmorés, an s'aiga en l'autualidá o Ibón de Marmorés.
[Editar] Rotas
L'amanamiento en beíclo se fa por a parti española dic'o tascal d'a Bal d'Ordesa, ta continar a piet dic'o Cubillar de Góriz (2.190 m.), punto cruzial t'a esplorazión de toda la redolada, y puyar por a mesma rota d'o Mon Perdiu dic'o Ibón Chelau, ta esbarrar-se dimpués á la cucha ent'a tuca d'o Pico Zelindro.
