Corts d'Aragón
De Biquipedia
Mientres a edá meya, Aragón eboluzionó como un reino independién, con a suya propia organizazión. Ista organizazión encluyiba as Corts d'Aragón, que yera la representazión d'o pueblo en a bida politica. Esistioron dica 1707, cuan Zelipe V as suprimió con os Decretos de Nueva Planta, eliminando a independencia de Castiella y Aragón, y creyando l'actual España como integrazión d'ers, anque dando clara preferenzia á Castiella. Dende ixe inte, as Corts de Castiella se combirtioron en as Corts Españolas.
En l'actualidad, as Corts d'Aragón exerzen a funzión lexislatiba d'a Comunidá autonoma d'Aragón, seguntes l'articlo 12 d'o Establimiento d'Autonomía. Tamién apreban os presupuestos, empentan y controlan l'aizión d'a Deputazión Cheneral d'Aragón y exercen as demás competenzias que lis atorgan a Constituzión, o Establimiento y as demás normas churidicas. Antimás, desinan á los senadors que han de representar á la Comunidá autonoma en o Senau; ejerxen a iniciativa lexislatiba ta que as Corts Chenerals apreben una Lai; pueden exerzitar la iniziatiba d'alinie d'a Constituzión Española; emologan os combenios y alcuerdos de coperazión en os que partizipe a Comunidá Autonoma d'Aragón; interposan recursos d'inconstituzionalidá; eslixen á lo Chustizia d'Aragón, á l'auditor cheneral d'Aragón y eslixen u proposan o nombramiento de cargos en atros organismos: consellers en o Consello Consellero de Radio Telebisión Española en Aragón, bocals en a Chunta Esleutoral de Aragón u consellers en as Caxas de Estalbio d'a Comunidá.
