Wirtschaftswissenschaft

Us der alemannische Wikipedia, der freie Dialäkt-Enzyklopedy

Wirtschaftswüsseschaft (Ökonomik) isch d Lehre vo dr Ökonomie (v. griech.: Oikos = Huushalt und Nomos= Gsetz). Sie underteilt sich i d'Bereich Betriebswirtschaftslehr, wo di wirtschaftlich Siite vomene Undernehme innerhalb vonere Volkswirtschaft undersuecht, und Volkswirtschaftslehr (früener Nationalökonomie), wo de gsamtwirtschaftliche Zämehäng und Prozess inere Gsellschaft undersuecht. Um wirtschaftstheoretischi Modell empirisch z'überprüefe und ökonomischi Phänomen quantitativ z'analysiere, werded ökonometrischi Methode iigsetzt. Au werded d'Wirtschaftspädagogik, s'Wirtschaftsingenieurwese und d'Wirtschaftsgschicht im Rahmen vo dr Wirtschaftswüsseschaft berücksichtiget. Wiiteri Diszipline sind d'Wirtschaftsinformatik, d'Wirtschaftsgeographie, Verkehrswirtschaftslehr und d'Wirtschaftsethik. Wirtschaftlichi Aschpekt werded au in andere Sozialwüsseschaften undersuecht.

[ändere] Hischtorischi Entwicklig

D Gschicht vo dr Wirtschaftswüsseschaft isch fascht so lang wie d Menschheitsgschicht. Die grosse Dänker vo dr Antike und vom Mittelalter gelted als Ahnherre vo dr Wirtschaftswüsseschaft. Als Geburtsstund vo dr Wirtschaftswüsseschaft i dr hüt verstandene Form als Forschigsdisziplin mit eigeständige Theoriegebilde gilt s Jahr 1758, wo dr französisch Arzt Francois Quesnay siis Tableau économique veröffentlicht hät. Dur d Beobachtige am Hoof vom Ludwig XV. aagregt hät der damals 64-jährige Glehrti i siim Werch d Abhängigkeite vo Geld- und Güeterströöm und demit de Iikommenschreislauf vomene Land beschribe.

[ändere] Methode

D Methodenfrage und -positione i de Wirtschaftswüsseschaften sind dur vier Methodendebatte 'kennzeichnet:

Historismus(-debatte)
Werturteil(-sdebatte)
Positivismus(-streit)
Kuhninismus(-debatte)

[ändere] Organisatione, Verbänd und Verein

Bundesverband vo de Düütsche Volks- und Betriebswirte (bdvb)
Gsellschaft für Experimentelli Wirtschaftsforschig (GEW)

[ändere] Literatur

Pribram, Karl: A History of Economic Reasoning. Johns Hopkins University Press 1983. ISBN 0801822912
Pribram, Karl: Geschichte des ökonomischen Denkens. Übersetzung der Originialausgabe A History of Economic Reasoning. Erster und zweiter Band. Frankfurt/M.: Suhrkamp Verlag 1998. ISBN 351828956X.
Frank, Jürgen: Kritische Ökonomie
Kromphardt/Clever/Klippert: Methoden der Wirtschafts- und Sozialwissenschaften
Lipczynski, John & Wilson, John: Industrial Organisation - An analysis of competitive markets. Prentice Hall 2001, Essex.
Starbatty, Joachim: Geistesgeschichte als Korrelat zur Ökonomik, in: Florian Keisinger u. a. (Hrsg.): Wozu Geisteswissenschaften? Kontroverse Argumente für eine überfällige Debatte, Frankfurt a. M./New York 2003 ISBN 359337336X