Kuchen
Us der alemannische Wikipedia, der freie Dialäkt-Enzyklopedy
Chueche isch ds bärndütsche Wort für das, wo bi andernen Alemanne Wähje oder Dünne heißt. E spezielle Bärner Chuechen isch der Zibelechueche, wo me traditionellerwys am Zibelemärit isst.
Das, was d Wähjen- oder Dünnen-Alemannen als Chueche vo irne Wähjen oder Dünnen unterscheide, das cha ou im Bärndütschen als Chueche bezeichnet wärde. Der Prototyp für ne bärndütsche Chuechen isch aber das, was di anderen Alemannen unter Wähjen oder Dünne verstöh. Us däm Grund wärde di weniger prototypische Chüeche im Bärndütsche hüüffig als Cake oder Turte bezeichnet, dermit klar isch, das ke Chuechen im bärndütsche Sinn gmeint isch.
Ä tybisch allemannischer Chueche isch der Gugelupf.