Us der alemannische Wikipedia, der freie Dialäkt-Enzyklopedy

Hugh John Mungo Grant (*9. September 1960 in London) esch e britische Schauspieler, wo vorallem dör sini Komödie bekannt word esch.

[ändere] Läbe

De Hugh Grant esch 1960 us Sohn vom Onternehmer James Grant ond sinere Frou Finvola, ere Lehreri, gebore worde. Nachem Abschloss ade Highschool hed er es Stipendium in Oxford öbercho ond hed Anglistik studiert. Sine Bruefswonsch esch damaus Konsthistoriker gseh. I de Theatergroppe vom College hed er erschti schauspelerische Erfahrige gsamlet ond sech entschlosse, nachem Examen professionelle Schauspielonterrecht znä. Sini erschti Fernsehrolle hed de Grant 1985 becho.

Er hed e langjährigi Beziehig zom britische Model Liz Hurley gha, wo ou us Schauspeleri erfougrich gseh esch. Bes zo sim Kinoerfolg Vier Hochzeiten und ein Todesfall vo 1994 esch d Liz bekannter gseh aus de Hugh. Z' Hollywood escher 1995 id Schlagzile cho, da er met de Prostituerte Divine Brown in flagranti im Auto erwescht worde esch. Sini öffentlichi Entschoudigong ide Fernsehshow vom Jay Leno hed ehm Symphatieponkt ide Öffentlechkeit brocht, er esch jedcoh einigi Johr vode Linwand verschwonde. 1999 escher i Notthing Hill weder uftoucht ond esch spöter witus erfougricher gseh aus vorher. 2006 hed er de Ehrepris bi de César-Verleihig öbercho, im aujährlech zvergebende wechtigschte französische Feumpris.

[ändere] Filmografie (Usschnett)

• 1992 - Bitter Moon
• 1993 - Was vom Tage übrigblieb
• 1994 - Vier Hochzeiten und ein Todesfall
• 1995 - Der Engländer der auf einen Hügel stieg und von einem Berg herunterkam
• 1995 - Sinn und Sinnlichkeit
• 1995 - Nine Months
• 1999 - Notthing Hill
• 1999 - Mickey Blue Eyes
• 2001 - Bridget Jones - Schockolade zum Frühstück
• 2002 - About a Boy
• 2002 - Ein Chef zum Verlieben
• 2003 - Tatsächlich...Liebe
• 2004 - Bridget Jones - Am Rande des Wahnsinns
• 2006 - American Dreamz

[ändere] Uszeichnige

• 2003 - Golden Globe - Nominierung: "Bester Hauptdarsteller (Komödie/Musical)" in About a Boy
• 2002 - Peter Sellers Award for Comedy für Bridget Jones – Schokolade zum Frühstück
• 2000 - Empire Award „Bester britischer Schauspieler“ für Notting Hill
• 1995 - BAFTA Award „Bester Hauptdarsteller“ für 4 Hochzeiten und ein Todesfall