Edi Rama
Us der alemannische Wikipedia, der freie Dialäkt-Enzyklopedy
Edi Rama (1964 gebore) isch Ä Albanischer Chünschtler un Politiker; im moment dr Bürgermeischter vo Tirana.
Edi Rama hät sich 1990 am umschturz vum Chommunischtischi Regime beteidigt; er isch zu dere Zit Lektor an dr Akademia e Arteve e Tiranes gsi. Er hät sich aber schnell vur Demokratischi Partei abgwannt; wege Choruption usw. In de folgendi Jôhr hät er sich im usland Ä name als Chünschtler gmacht. 1997 isch er vo Sicherheitskräft (angeblich vo Sali Berisha gschiggt) fascht Z dot gschlage wôre, un isch nôch Paris emigrirt. 1998 isch er wege em begräbnis vo sym Vater zrukcho un vum Premier Fatos Nano zum Chultusminischter ernannt wôre. Er hät unteranderm ‘d erschti Kinos sit 1990 eröffne lasse.
2000 hät Edi Rama als Bürgermeischter vo Tirana chandidirt, mit dr unterschtützig vur Sozialischtischi Partei, un mit 57% gwonne. Churz nach synere Wahl hät Ä unbechannter uf syn Huus gschoße, ‘s isch aber niemand verletzt wôre. Nôch synere Wahl hät er Ä ufräumchampagne gschtartet; ‘d illegali Kiosk un Hüüser an dr Lana sin abgrisse wôre, ‘d Schtadt im algemeine gsäubert wôre, un 96,700 Quadratmeter grünfläch ygrichtet wôre.
Usserdem sin vyli alti Hüüser neu gschtriche wôre; in grelli, bunti farbe. Die Aktione hän zwar ‘s Schtadtbild immens verbessert, er isch aber au kritisirt wôre daß numme ‘d Fasad vo Tirana hergrichtet wird. Usserdem hän vyli Lüt ‘d nöji Farbe yfach grausig gfunde, ‘s isch zum Byschpil chommentyrt wôre daß Tirane nümme wie Ä Hauptschtadt, sundern wie Ä Zirkus usschaue tät.
Im Oktober 2003 isch Edi Rama wydergwählt wôre; mit 61% dr Schtimme. ‘D Demokratischi Partei hättem allerdings wahlbetrug vorgworfe, des isch aber nüt sehr glaubhaft. Sali Berisha, vur Demokratischi Partei hät zum Byschpil 'd volgendi Schpruch losglô:"Fatos Nano un syni Mafia gruppe hän 'd Wahle manipulyrt". Usserdem hät er 2003 erfolglos gege Fatos Nano als Parteipräsident chandidyrt.
Edi Rama isch Z Tirana sehr beliebt, vorallem wege synim offeni un direkti Schtyl. Edi Rama hät 2003 zamme mit dr Albanischi HipHop gruppe West Side Family des Lied “Tirona” ufgnomme, wo inzwische soöbis wie Ä Schdadthümne gwôre isch. Edi Rama schafft nümme als Chünschtler, seit abr daß Politik au soöbis wie Chunscht isch. 2004 isch Edi Rama zum Weltbürgermeischter vum Jôhr gwählt wôre.
