Echidna (Mythologie)
Us der alemannische Wikipedia, der freie Dialäkt-Enzyklopedy
Echidna isch ä Gschtalt uss de griechische Mythologie, wue Muetter vun viele Ungheuer gsii isch.
Yber ihri Abstommung gibts vieli Erzähölunge. Eimol isch s d Tochter vun nem Alte usm Meer, dem Phorkys un dem Meeresungheuer, de Keto gsii. Ä ondersmol abr d Tochter vun de Kallirhoe un dem Chrysaor. De Chrysaor sei m Leib vun de Medusa entschprunge, wue de Perseus d Muetter enthouptet het. Nomol ondersch sei s d Tochter vun de Gaia un nm Tartaros gsii.
Als "ä unsagbars Scheusal, halb schönäugigs Mädle, halb grausigi Schlong, riesig, buntgfleckt un gfräßig" (Hesiod, Theogonie 295-332), isch s onschinend nit nuer ä furchtbars, sundern au ä fruchtbars Ungheuer. Typhon – wue d Gaia vum Tartaros empfange ghet het, um sich om Zeus zue räche, so dess hier, falls sichs ums selbe Ungheuer ghendelt het, womöglich ä Geschwisterehe gschlosse worre isch – het mit ihre de zweyköpfige Orthos, de dreyköpfige Höllehund Kerberos, un d Hydra, wue au als d "lernäisch Schlong" bzeichnet wird, zeugt.
Ihr Sohn Orthos het denn mit ihre d Chimaira, d Sphinx, de Nemeische Löwe un d Phaia, ä ungheure, wütigi Sau, wue schliesslich vun Theseus umbrocht worre isch un au als d kromyonisch Sau bekonnt worre isch.
[ändere] Literatur
- Michael Grant un John Hazel, Lexikon der antiken Mythen und Gestalten, Münche (dtv) 1980 (ISBN 3-423-32508-9)
- Robert von Ranke-Graves, Griechische Mythologie, Reinbek bi Hamburg (Rowohlt) 2003 (ISBN 3-499-55404-6)
- Karl Kerényi, Die Mythologie der Griechen - Die Heroen-Geschichten; Münche (dtv) 1992 (ISBN 3-423-30031-0)