Chnodomar
Us der alemannische Wikipedia, der freie Dialäkt-Enzyklopedy
Chnodomar (au Chnodomarius) isch ä Heerführer un Chönig vo dä Alamanne im 4te Jôhrhundert us dä Ortenau gsi.
Chnodomar schpilt hauptsachlich im Kontexscht vur Schlacht vo Argentoratum (Schdrôssburi) ä Roll. Über syni Familie isch au ä weng bechannt; syn Bruder Mederich un dem syn sohn Serapio hän beidi i dr Schlacht mitchampft.
Chnodomar isch vum Chaiser Constantius II ermutigt wore, dä Ursupator Magnentius z'Galin aazgryfe. Chnodomar hät mehreri Sieg gage dä Römischi Ursupator erunge; aber noch synim Sieg im Bürgerkrieg hät Constantius syn Neffe Julian un dr Heerführer Barbatio gage Chnodomar gschiggt. Chnodomar hät Barbatio bi Rauracum (hüt Chaiseraugscht bi Basel chönne zruggschlo. Dr Römischi Hischtoriker Amianus Marcellinus macht ä Ufschtand bzw Plündrigzug vo dä Laete un em Barbatio sin ergeitz füer d'Niederlag verantwortlig, uf jede fall sin Chnodomar un d'Alamanne durch dä Sieg über äs zahlemässig grössri Heer übermütig wore.
Chnodomar hät d'Erfolg chönne nutze zumme ä Heer, aagführt vo säggs andri Chönige zammeschtelle. Bi Argentoratum isch Chnodomar dann im Jôhr 357 bgsygt wore un bim Versuech über dä Rhii z'entchomme, zamme mit zweihundert vo synere Begleitig gfangegnomme wore. Chnodomar isch d'Schmach inneme Triumphzug vorgführt z'were, erschpart blybe. Schtattdesse isch er uf Rom gschiggt wore un dort schpöter an Altersschwäche gschtorbe.
[ändere] Quelle
- Ammianus Marcellinus
- Zosimos
[ändere] Literatur
- Dieter Geuenich: Geschichte der Alemannen, Verlag Kohlhammer, Stuttgart 2004, ISBN 3170182277 / ISBN 3170120956
[ändere] Ekschterni Syte
| Persoonedaate | |
|---|---|
| NAME: | Chnodomar |
| ALTERNATIVNAMEN: | lat. Chnodomarius |
| KURZBESCHREIBUNG: | Bis 357 alamannischr Gaukinig in de Ortenau |
| GEBURTSDATUM: | |
| GEBURTSORT: | |
| STERBEDATUM: | |
| STERBEORT: | Rom |
