BVB

Us der alemannische Wikipedia, der freie Dialäkt-Enzyklopedy

D Abkürzig BVB stoht für Basler Verkehrs-Betriebe. Si betriibe die lokale öffentliche Verkehrsmittel im Kanton Basel-Stadt (Tram und Bus). Si isch mitglied im Tarifverbund Nordwestschweiz (TNW). Am Tarifverbund sin au BLT, SBB, d Waldeburgerbahn, d Autobus AG Lieschtel und dr Stadtbus Rhyyfälde.

[ändere] Gschicht

1874 Erschts Projäkt für e "Pfärdetram" in Basel.

1881 11. Juli: Eröffnig vom Tramomnibus. (Das isch e vo Pfärd aatribenes Stroossefuhrwärk.)

1895 6. Mai: Eröffnig vo de elektrische «Basler Strassenbahnen » (BStB), de erschte vonere staatliche Behörde betriebene Tram in dr Schwiz. Die erschti Linie fiehrt vom Centralbahnhof übr die Mittleri Brugg bis zum alte Badische Bahnhof am Riechering (bim hüttige Mässgländ).

1897 Birsfälde kriegt als erschti Vorortsgmeind e Tramverbindig mit dr Stadt.

1900 D Basler Tram übrfahre d Landesgränze mitere Linie nach Saint-Louis (Frankriich).

1905 Dr Streik vo de Trämmler, im Aaschluss dra kunnt dr Zämmeschluss vo de verschiedene Personalverein zum «Centralverein der Basler Strassenbahn-Angestellten » (dä Verein goht spöter im VPOD auf).

1914 Usbruch vom Erste Wältkrieg. Die gränzüberschritende Tramlinie wärde bis am 30.9.1915 igschtellt.

1930 Die erschte zwei Autobuslinie wärde im Betrieb übergä: (Kleihüünige–)Claraplatz–Hörnli und (Claraplatz–)Burgstrooss–Bettige.

1934 Mit dr Eröffnig vo dr Linie St. Johann Bahnhof– Dreirosebrugg–Muschtrmäss isch dr Tramnetzusbau abgschlosse.

1939 Usbruch vom Zweite Wältkrieg. Mehreri Abschnitt vom Tramnetz und ei Autobuslinie wärde stillglegt. Widrinbetriebnahm: 1946/47. In de Kriegsjoohr beschäftigt d BStB erstmols Fraue als Billeteuse.

1941 Wäge Brennstoffmangel wird d Autobuslinie Claraplatz–Hörnli uf Trolleybusbetrieb umgstellt. Basel griegt mit däm sini erschti (und bis 1956 einzigi) Trolleybuslinie.

1946 E neus Organisationsgsetz bringt e umfassendi Reorganisation vom Untrnähme. Dr Grossi Root und dr neu geschaffeni Verwaltigsroot erhalte umfassendi Kompetänze. S Unternähme bekunnt dr neui Name «Basler Verkehrs- Betriebe» (BVB).

1947 Dr gröschti Unfall in dr Geschicht vo dr BVB forderet am Aescheplatz säx Menscheläbe.

1948 Die erschte vierachsige so genannte Grossruumwäge wärde in Betrib gnoh.

1955 D Automobilverbänd ergriffe s Referändum gegene Kredit für neui Tramwäge. Der heftig gfüehrti Abstimmigskampf bildet dr Höhepunkt in ihrm Kampf gege s Tram: ihre erklärte Wille isches, s Tram us de Stroosse vo Basel z verbanne. In dr Volksabstimmig wird dr Tram-Kredit mit 19'631 Jo zu 16'152 Näi abglähnt. Ei Spootfolg vo dene Niidrlage isch d Umstellig vo de Tramlinie Schützehuus– Johanniterbrugg–Badische Bahnhof uf Autobusbetrieb im Joohr 1966, bzw. Trolleybusbetrieb ab 1968.

1957 Umstellig vo de Tramlinie Landesgränze – Saint-Louis uf Autobusbetrieb (1961 wird d Linie nach Hüünige und 1967 au s Lörracher Tram uf Busbetrieb umgstellt).

1961 D BVB stelle erneut Fraue als Billeteuse ii.

1965 Dr Aafang vo dr Umstellig uf billeteurlose Betrieb. Dr erscht Billettautomat wird 1967 ufgstellt, sit 1970 verkehre alli Tram und Bus billeteurlos.

1969 Mit «Tram-Sit-ins» protestiere jungi Baslerinne und Basler gege e Tariferhöhig. Die progressive Organisatione lanciere d Gratistram-Initiative. Sie wird 1972 mit 46 090 Nei zu 6 621 Jo verworfe.

1973 Die autofreie Sunntige bringe Höchschtfrequänze.

1975 Dr Tarifverbund mit dr Linie 10 vo dr BLT markiert dr Aafang vo dr Realisierig vom Tarifverbund Nordweschtschweiz.

1979 D Taxi-Zentrale übernimmt mit Glaibus dr Betrieb uf der Riehener Quartierbuslinie 35; witeri Kleinbuslinie folge.

1979 Die letschte vo de alten zweiachsige Tramwage scheide usem planmässige Betrieb us. Einigi vo ihne stöhn aber hütt no für Nostalgiefahrte zur Verfiegig (z.B.: d Dante-Schuggi).

1980 Inbetriebnahm vo dr erste Computergstützte Betriebsleitschtell.

1984 BVB und BLT lanciere s «Umweltschutzabonnement ». S erlangt internationali Beachtig. D Frequänze stiige wägem günschtige Tarif innerhalb vo wenige Joohr um meh als 25%.

1986 Ifiehrig vo de Vorortslinie vo Dornach und Rodersdorf in d Innestadt und Verbindig via Theaterboge zur durchgehende Linie 10.

1987 Wird dr Tarifverbund Nordwestschweiz (TNW) realisiert, usser dr BVB und dr BLT sin au SBB, PTT (Post), d Waldeburgerbahn, d Autobus AG Lieschtl und dr Stadtbus Rhyyfälde dra beteiligt.

1987 D BVB stelle Frauen als Wagenfüehrerinne ii.

1992 Inbetriebnahm vom erste hundertprozäntig niederflurige Glänktrolleybus vo dr Wält.

1994 Nachm Umbau vo dr Bankvereinkrüzig (Iibau vo zuesätzliche Gleisböge) wird d Linie 11 als letschti Vororts-Tramlinie zur Durchmässerlinie und vom Aescheplatz bis Saint-Louis Gränze verlängert.

1995 D BVB fiire ihre hundertschte Geburtstag mit zahlriiche Veranstaltige für Personal und Bevölkerig.

1999 Dr Kundenfründlichi, liicht merkbari 7 1/2-Minute- Taktfahrplan wird Iigfiehrt. S neue, hällere Grien und s neue BVB-Logo halte Iizug.

2000 Uf alle Buslinie fahre klimatisierti Niedrflurbus.

2001 Im Zämmehang mit EuroVille ergän sich mehreri Veränderige am BVB/BLT-Linienetz und d Iifüherig vo dr neue Flughaafelinie 30, die gohd vom Bahnhof us und schliesst au s Gebiet Universität/Spitäler direkt ii.

2002 Alli 28 neue, 43 m lange, klimatisierte Niderflurtrams sin abgliefert.

2004 Alle 28 neue (lueg unter 2002), klimatisierte (d Klimaalag goht nit, wenns dusse z heiss isch) Niderflurdrämmli mien wäge Sicherheitsmängel für einigi Wuche us em Verkehr zoge wärde. Unterdesse sin si provisorisch gflickt wider im Iisatz. Als Ersatz fir die kaputte Drämmli sin fünf Bärnertram uf Basel abe ko. Mitlerwile sins aber nur no vier, do äins bim Brand im Depot Wiseplatz, im Johr 2004, verbrennt isch.