San Diego
vanuit Wikipedia, die vrye ensiklopedie.
San Diego is 'n hawestad in die suide van die deelstaat Kalifornië (Verenigde State) met sowat 1,3 miljoen inwoners (2005). Dit is die administratiewe hoofstad van die County San Diego. San Diego is die tweede grootste stad in Kalifornië en die sewende grootste in die Verenigde State.
San Diego staan bekend vir sy gematigde klimaat en talle strande. Dit huisves ook 'n groot aantal instellings van die Amerikaanse Vloot soos militêre hawens en basisse van die Marine Corps en die Amerikaanse Kuswag (Coast Guard). Die stad is die tuishawe van die grootste militêre vloot ter wêreld, met onder meer slagskepe en vliegdekskepe soos die USS Nimitz en die USS Ronald Reagan. 'n Aantal vlootskepe is ter ere van die stad "USS San Diego" genoem.
[wysig] Geografie en klimaat
San Diego lê teen 'n kunsmatige hawe aan die mees suidelike pint van Kalifornië, sowat twee en 'n half ure se motorrit van Los Angeles in die noorde en 'n halfuur se motorrit van die Meksikaanse stad Tijuana in die suide af. Die stad word in die weste deur die Stille Oseaan begrens, terwyl 'n bergreeks en die Anza-Borrego-woestynpark 'n natuurlike grens in die ooste vorm. Die stadsgebied brei steeds verder uit na die binneland en in die rigting van die Meksikaanse grens.
San Diego se klimaat word dikwels "perfek" genoem. Die gemiddelde jaarlikse temperatuur is 21°C, die gemiddelde reënval per maand is slegs 24 mm. Die winters is baie mild met 'n gemiddelde temperatuur van 14°C.
[wysig] Ekonomie
Naas die Amerikaanse weermag en vloot is die telekommunkasie- en biotegnologiese bedryf die belangrikste werkverskaffers.
