Kurów
vanuit Wikipedia, die vrye ensiklopedie.
Kurów is 'n dorp met 2 811 inwoners in die woiwodskap Lublin in die suidooste van Pole. Dit staan onder meer bekend as die geboortedorp van die voormalige Poolse staatspresident en generaal Wojciech Jaruzelski.
[wysig] Geskiedenis
Kurów is in die tydperk tussen 1431 en 1442 volgens Magdeburgse reg gestig. In die 16de eeu is die dorp 'n sentrum van die Poolse calvinisme, tog neem die inwoners tot by die jaar 1660 die Ariaanse geloof aan. In Februarie 1831 verslaan Poolse troepe onder die bevel van generaal Józef Dwernicki 'n Russiese strydmag. Tydens die Tweede Wêreldoorlog is Kurów in 'n Duitse bomaanval op 9 September 1939 verwoes.
