Huy
vanuit Wikipedia, die vrye ensiklopedie.
Huy (Nederlands: Hoei) is 'n klein stad in die provinsie Liège (Nederlands: Luik) van die Franstalige gewes Wallonië (België) met 'n oppervlakte van 47,64 km² en 19 820 inwoners (1 Julie 2004).
Die skilderagtige stad teen die Maasrivier is in die Middeleeue 'n belangrike handelsentrum vir wyn, tin en koperware, wat wyd bekend staan vir sy vier wonders: Li tchestia (die kasteel), Li Pontia (die brug), Li Rondia (die roosvenster) en Li Bassinia (die fontein). Die twee laasgenoemdes het behoue gebly en maak deel uit van die stad se huidige besienswaardighede.
[wysig] Besienswaardighede
- Die gotiese kapittelkerk Collégiale Notre-Dame staan bekend vir sy roosvenster met 'n deursnee van 9 meter en die pragtige koorvensters.
- De koperfontein Li Bassinia op die Grand' Place dateer uit die jaar 1406.
- Die sitadel word in 1818 op die plek van die ou kasteel opgerig. Die uitkykpunt kan met 'n kabelkar bereik word.
