Syudad han Bacolod

Tikang ha Wikipedia

Para han bungto ha Lanao del Norte, kitaa an Bacolod, Lanao del Norte.

Mayda impormasyon hini nga artikulo nga aada han Iningles nga bersyon nga angay ighubad ha Winaray

Syudad han Bacolod

Nahamutangan
Mapa han Negros Occidental nga nagpapakita kon hain nahamutangan an Syudad han Bacolod.
Gobyerno
Rehiyon	Katundan nga Kabisay-an (Rehiyon VI)
Probinsya	naglulugaríng tikang han Negros Occidental
Distrito	Nag-uusaan nga Distrito han Syudad han Bacolod
Mga Baranggay	61
Income Class:	syahan nga klase nga syudad; duro ka urbanisado
Alkalde/Mayor	Evelio R. Leonardia (NPC)
Gintukod	1770
Kahimo nga Syudad	Hunyo 18, 1938
Opisyal nga Websayt	www.bacolodcity.gov.ph
Pisikal nga mga karakteristika
Populasyon      Total (2000)      Densidad	429,076 2,657.6/km²
Mga coordinate	10°40' N, 122°57' E

An Syudad han Bacolod usa nga syudad ha lalawigan han Negros Occidental ha Katundan nga Kabisay-an nga rehiyon han Kabisay-an ha Pilipinas. Amo ini an kapital ngan gidako-i nga syudad han Negros Occidental. Kilalado ini tungod han Maskara Festival hini, nga ginbubuhat dida hit bulan han Oktubre. Sumala han census han tuig 2000, mayda ini populasyon nga 429,076 ka tawo ha 87,441 nga panimalay. Gin-agnayan an syudad nga "Syudad hin mga Hiyom".

Ginsasapitan ini han Syudad han Talisay ha amihanan, han bungto han Murcia ha sinirangan, han Syudad han Bago ha habagatan o salatan-katundan, ngan han Estrecho han Guimaras ha katundan. An mga coordinate han Bacolod amo in 10°40′16″N, 122°56′28″E.

It Bacolod usa nga importante nga daungan hin barko ngan mayda adlaw-adlaw nga biyahe hin ferry ngadto ha Syudad han Iloilo. It Bacolod karuhaan (20) ka oras tikang ha Manila pinaagi ha barko ngan pito (7) ka oras tikang ha Syudad han Sugbo pinaagi ha barko. An Aeropuerto Domestic han Bacolod nahamutangan mga upat (4) ka kilometros tikang han sawang o downtown han syudad. It Bacolod kalim-an (50) ka minuto tikang ha Manila pinaagi ha idro ngan katloan (30) ka minuto tikang ha Syudad han Sugbo ha idro.

An Syudad han Bacolod amo in sinisiring nga amo an gilimpyohi ngan gilunghawi ngan pinaka-ma-ukoy-ukoy nga syudad ha Pilipinas. Nagsisirbe ini komo ganghaan han mga riko-hin-asukar nga mga syudad ngan bungto han probinsya. Damo iton mga facility para hit mga bisita, mga moderno nga paagi hin panakayan makadara hin mga bisita para hin negosyo o pagrisyo ngadto hin bisan diin nga lugar ha isla han Negros.

An klima ha Syudad han Bacolod ha kabug-osan maupay. Iton tig-adlaw nga panahon tikang han Disyembre tubtob Mayo samtang an tig-uran nga panahon, sugad ha iba nga bahin han Pilipinas, tikang hiton Hunyo hangtod Nobyembre. Iton average nga temperatura 26 ka degree Celsius (80 ka degree Fahrenheit).

[igliwat] Mga Baranggay

An Syudad han Bacolod ginbahin ngadto hin kaunman kag usa (61) nga baranggay.

Alangilan Alijis Banago Barangay 1 (Pob.) Barangay 2 (Pob.) Barangay 3 (Pob.) Barangay 4 (Pob.) Barangay 5 (Pob.) Barangay 6 (Pob.) Barangay 7 (Pob.) Barangay 8 (Pob.) Barangay 9 (Pob.) Barangay 10 (Pob.) Barangay 11 (Pob.) Barangay 12 (Pob.) Barangay 13 (Pob.) Barangay 14 (Pob.) Barangay 15 (Pob.) Barangay 16 (Pob.) Barangay 17 (Pob.) Barangay 18 (Pob.)

Barangay 19 (Pob.) Barangay 20 (Pob.) Barangay 21 (Pob.) Barangay 22 (Pob.) Barangay 23 (Pob.) Barangay 24 (Pob.) Barangay 25 (Pob.) Barangay 26 (Pob.) Barangay 27 (Pob.) Barangay 28 (Pob.) Barangay 29 (Pob.) Barangay 30 (Pob.) Barangay 31 (Pob.) Barangay 32 (Pob.) Barangay 33 (Pob.) Barangay 34 (Pob.) Barangay 35 (Pob.) Barangay 36 (Pob.) Barangay 37 (Pob.) Barangay 38 (Pob.)

Barangay 39 (Pob.) Barangay 40 (Pob.) Barangay 41 (Pob.) Bata Cabug Estefania Felisa Granada Mandalagan Mansilingan Montevista Pahanocoy Punta Taytay Singcang-Airport Sum-ag Taculing Tangub Villamonte Vista Alegre Handumanan

[igliwat] Mga Sumpay ha Gawas

• Opisyal nga Websayt han Gobyerno han Syudad han Bacolod
• Philippine Standard Geographic Code
• Bacolod - Wikitravel
• History, Culture