Yves Paquet
Èn årtike di Wikipedia.
Yves Paquet a vnou å monde e 1953 et a morou e 2004. C' esteut on scrijheu e walon, copurade di des courts tecses di tuzêyes. Il a vudî ene ramexhnêye di ses scrijhaedjes ""Ya basta", et vos nd åroz" e 2000.
Sacwants d' ses tecses la, les cis k' ont-st a vey avou l' Amerike Nonnrece, ont stî eredjistrés so ene plake lazer, lomêye Wallatino.
Askepieu et produjheu des emissions "Kè diss ?" al tévé coinrece di Djiblou (1999-2004). E 2003, i fjha-st on rpoirtaedje so les Walons do Wisconsin, et ndè saetchî ene plake lazer: “Del poûde di vî tchinisse”.
Il a stî eto prezidint del S.N.R. Li Rantoele di 1998 a 2002, et mwaisse-adjinçneu des Soçnaedjes di Djiblou. E 2003-2004, i fourit prezidint del S.N.R. Li Chwès.
