Toitche-linwe
Èn årtike di Wikipedia.
on toitche-linwe c' est ene fråze målåjheye a dire, paski des sons vijhéns rivnèt onk après l' ôte, mins motoit nén sins l' minme shuvion. C' est come si on vs toirteyreut vosse linwe.
[candjî] Egzimpes di toitche-linwe e walon
- djusse målåjheys a dire.
- Loukîz Colas k' est la ki louke li lune ki lût.
- Ene pougneye di belès vetès setchès schetes.
- Nosse bele grosse rodje poye cove inte li late et li tchviron.
- Des bounès holès molès wåfes.
- Li toû do cou do cok do clotchî.
- Å galop, galopea, el diale vos årè pa vos dijh årteas.
- On frezé betchtåd ashiou so on strouk s' ecrouke tot magnant des petchales.
- Ki vont fé prononcî èn ôte mot, måhonteus.
- Les poyes do curé pounèt. (on va fini pa dire les coyes do curé).
- Målåjheys a dire, aprume dins sacwantès coines del Walonreye:
- End a li diynut k' end ont et nd a ki diynut k' end ont nén; Mins end a dpus ki diynut k' end ont k' end a ki diynut k' end ont nén. Ås Scåssenes, ça s' prononce: i dd a ki dittënt k' i dd ont, et i dd a ki dittënt k' i dd ont nî; mins i dd a pus ki dittënt k' i dd ont k' i dd a ki dittënt k' i dd ont nî.
