Tchantchès

Èn årtike di Wikipedia.

Tchantchès (ki si scrijheut Chanchès disk' å cminçmint do 20inme sieke), c' est ene popinete di bwès, ki rprezinte li Lidjwès, binamé, coraedjeus, todi presse a boere on plat-cou, mins k' a l' tiesse foirt presse des tchveas, et cwand i s' måvele, ki dene des côps d' tiesse epweznêye (on soucaedje dins l' vinte di l' ôte).

Tchantchès åreut vnou å monde inte deus pavés, e coulot d' Djudla Mouze li 25 d' awousse 760. Mins, po Djhan Bosly, ci sereut li 15 d' awousse di l' an set cint septante.

Dins l' teyåte ås popinetes di Lidje, il est todi acoplé a Tchårlumagne et a Roland, sins rovyî si feme, Nanesse.

Tchantchès et Nanesse ont eto siervou d' adjeyants pol veye di Lidje.

[candjî] Etimolodjeye

Li mot "Tchantchès" vénreut do limbordjwès Tjan'tjë (pitit Djhan, flamind Janneke). C' esteut li ptit no passe-partot ki les ovrîs limbordjwès houként les Lidjwès avou, come on Walon åreut yeu dit "Batisse".

Li mot a stî rcomprin come Tchantchès, pu, tot s' brouyant, rimetou å ptit no "Françwès", l' essegne des Namurwès (les Chwès).

Po des ôtes racsegnes linwistikes, alez s' vey e splitchant motî.

[candjî] Hårdêye difoûtrinne

• ene waibe so Tchantchès (e francès)