Prôze nén racontrece
Èn årtike di Wikipedia.
Li prôze nén racontrece (PNR), c' est des scrijhaedjes di prôze ki n' sont nén des belès letes.
Li prôze nén racontrece, c' est ene essegne ki l' lingaedje va bén. Dipus k' gn a des sudjets diswalpés e prôze nén racontrece, dipus k' on ptit lingaedje si raprepeye des grandès langues, ricnoxhowes come téles. Ci fonccion la est bén mostrêye sol glindisse da Muljacic et Kloss.
Ådvins |
[candjî] Istwere del prôze nén racontrece e walon
[candjî] Prumîs scrijhaedjes
C' est dandjreus Henri Forir k' a scrît li prumî tecse di prôze nén racontrece : "So les bassès scoles di dvins l' tins".
E 1907, Nicolas Lequarré scrijha tot on sincieus papî sol manoye å vî payis d' Lidje, k' est sovint rwaitî come li prumî sincieus scrijhaedje e walon.
[candjî] Li grand vude del mitan do 20inme sieke.
Li 20inme sieke va vey li montêye des fjheus d' belès letes, et on-z a rovyî kel walon poleut siervi a ôte tchoi.
Tolminme, on voet des mierdjins eplaidî del PNR e walon, come Jean Fievez avou si Istwere di Biemreye.
Li prumire rivowe a cmincî a eplaidî del prôze nén racontrece serè les Noveles des Walons Scrijheus d' après l' Ban-Bwès, copurade avou les plantches di biyolodjeye da Maurice Chapelle.
[candjî] Li rvicaedje dispu 1990.
Di 1993 a 1995, gn a 3 rvowes ki vont skepyî, la k' on trovrè brmint dpus di PNR ki des ôtes scrijhaedjes : "Djåzans walon" (1993), "Li Chwès" (1995) et li Rantoele gazete (1995).
Des nos di scrijheus di PNR a ritni :
- Maurice Chapelle et Rodjî Viroux dins l' rivowe "Noveles des Walons Scrijheus d' après l' Ban-Bwès".
- Marcel Slangen, dins l' rivowe "Djåzans walon".
- Charles Massaux & Arnold Hauwaert dins l' rivowe "Li Chwès".
- Lucyin Mahin dins l' rivowe "Li Rantoele", et sol rivowe so les fyis "L' Aberteke".
- Pablo Sarachaga & Louis Baijot so l' eciclopedeye Wikipedia.
- José Schoovaerts dins l' rivowe so les fyis "Raboulets".
[candjî] Hårdêyes difoûtrinnes.
- Li manoye e vî payis d' Lidje (on papî da Nicolas Lequarré, onk des prumîs di prôze nén racontrece e walon)
- Les papîs d' prôze nén racontrece da Lucyin Mahin
- Djivêye des sudjets di prôze nén racontrece diswalpés so l' Aberteke
- Consecances del prôze nén racontrece po li statut des ptits lingaedjes