Motî etimolodjike da von Wartburg
Èn årtike di Wikipedia.
Li Motî etimolodjike da von Wartburg, en almand Französisches Etymologisches Wörterbuch, pus cnoxhou dizo l' acourtixha F.E.W., c' est on nouzome ovraedje enondé pa Walther von Wartburg et ki corwaite tos les mots do francès et des ôtes pitits lingaedjes do payis galo-roman. Il est scrît en almand.
Li FEW, c' est 25 gros spès volumes, k' ont cmincî a rexhe e 1922, et k' ont stî eplaidîs a Bonn, a Leipzig, a Båle, et co ôte pårt.
C' est ene ouve etcherpintêye eshonne pa tos linwincieus ki s' î cnoxhèt. Pol walon, l' ovraedje a stî bråmint fwait u rcoridjeye pa Jean Haust, Elisée Legros, Jules Herbillon et Louis Remacle. Tos les conte-rindous ont stî edjivlés pa Reine Mantou, dizo l' tite Index des comptes rendus du F.E.W., eplaidî dins l' Bulletin de Commission royale de Toponymie & Dialectologie e 1969 (p. 165-169).
Gn a vormint bråmint dpus d' racsegnes sol walon ki so les ôtes lingaedjes diléreces di Beldjike, France et Swisse.
Des motîs foirt sipepieus come li Motî d' Bastogne dinèt li pådje do FEW la ki l' etimolodjeye des mots walon est a trover.
[candjî] Alére
Baldinger, K. Introduction aux dictionnaires les plus importants pour l'histoire u français. Paris, Klincksiek, 1974, 185 pp.
