Michel de Grandmont

Èn årtike di Wikipedia.

Michel de Grandmont on dit eto de Grammont a skepyî a Paris, France e 1645 disparexhou e mer å nord-est des iyes Caraybes, e avri 1686. Si mestî d’ côrsaire e pu d’ flibustier a coru tot å lon des aneyes di 1670 a 1686. Il nevieve sul batea “le Hardi”.

[candjî] Biografeye

Divant d’ duvnu côrsaire, Michel de Grandmont est l’ fi d’on djintiome oficier des gârdes. Bin ki n'a k' kwatôrse ans, i touwe e duel on oficier galant di s’ soûr. il est aretè, condânè et oblidjè di s’egadjè dins li scole des mousses et pus inture au Rwèyal Redjimint des Vaîsseaux.

Si coradje et s’ timperamint naturel di chef sont radmint rimârkès et i print fwart vite li comindmint d’ on batea egadjè conte li flote des espagnols neviant au laudje des iyes dol Tôrtuwe et d’ Sint-Domingue.

Kwand l’ France mousse e guere avou les Bas Payis e 1678, i s’ egadje dins des raids su l’ îye holandaisse di Curaçao, et print l’ comindemint dol flote des côrsaires do Rwè d’ France neviant di s’ costè la dol daegne.

E djun 1678, il egadje shîj bateas d’ guere e 700 omes conte les colonyies espagnoles do Venezuela et inture dvint les têres djuska l’ vile di Trujillo. Nin contint d’ ça I fait one åte raid dins l’ pôrt Venezuelien di La Guaira, ki prind ârdimint dins one atake di nut. Li côrsaire trop sûr di li dins ses ecsploits, i chape di djustesse e avou des rûses a des grosses fwasses espagnoles k’ astint vinues au secour dol vile.

E 1679, c’ est les viles di Toulha å Bresil, Puerto Cabello e Vera Cruz å Mecsike ki tumèt l’ one après l’åte inte ses mwins. Tindis k' e 1680, c' est å toûr di Cumana di tumè.

E Mai 1683, avou l’ flibustier holandais Laurens de Graaf, il prind on deuzinme côp Vera Cruz. is pyièt l’ vile et fyièt 4000 prîjnnîs po les candjè conte one ranson.

E 1685, les deus omes rinovelèt leus raids dins l’ vile megsikinne di Campeche.

To ça li a valu d' esse nomè lieutenant do sud di l' îye di Sint-Domingue pa li rwè d’ France. Mais il n' a djamay occupè ci poste la pask’il a faît one dèrène coûrse e mer divant l' arivéye di s’ brevet et a disparexhou do timps di ci coûrse la e avri 1685.

[candjî] Bibliografeye

• De Fontinières. "L'histoire des aventuriers, des boucaniers et des flibustiers d'Amérique". (1686).
• M. Besson. "Les Frères de la Coste" flibustiers et corsaires. (1928).
• Funck-Brentano. "L'île de la Tortue". (1929).
• Georges Blond. "Histoire de la flibuste". (Stock, 1969) - ISBN 69-IV-19835-1790.
• Pickering, David. "Pirates". CollinsGem. HarperCollins Publishers, New York, NY. pp-59. 2006.