Jean Lejeune
Èn årtike di Wikipedia.
Jean Lejeune sikepia e 1875 a Djoupeye et î mora e 1945.
C' esteut on sicrijheu et rcwereu sol walon. I scrijheut cobén dizo l' no d' pene di Jean Lamoureux.
A leyî padrî lu dijh pîces di teyåte di troes akes, cénk d' onk u deus akes.
Mins c' est avou ses deus romans ki Djihan Lejeune si va l' pus fé rconoxhe come on grand scrijheu e walon, et on fén corwaiteu des dujhances des såvadjès biesses. "Cadet" (1921) raconte l' istwere d' on live. Tant k' a "Avå trîxhes et bwès" (eplaidî e 1948, après s' moirt), c' est totès paskeyes so les biesses des bwès.
Al copete do martchî, Jean Lejeune a reyussi a rashonner 22 motîs so les nos d' plaeces des viyaedjes do payis d' Lidje. Sacwants ont stî eplaidîs dins l' Bultén del Societé d' Lidje.
A stî eto onk des grands aidants da Djan Haust po li scrijhaedje do Dictionnaire liégeois
Il esteut contåbe di s' mestî.
Jean Lejeune ni doet nén esse kimaxhî avou Martin Lejeune, k' esteut ene miete pus vî, mins k' a ramexhné des motlîs tecnikes a pô près dins les minmès anêyes.
[candjî] Sacwants rcweraedjes da Jean Lejeune so les motlîs
Sovint a soce avou Edmond Jacquemotte, i rcwire des mots po les bates del SLLW. I fourît sovint prumés :
- Lejeune, Jean, Vocabulaire technologique wallon-français du chaudronnier en fer et en acier, divins: BSLW, T.40, 1900, pp. 403-425 (rahouca "E130" dins l' Djivêye des motîs do walon).
- Lejeune, Jean, Vocabulaire wallon-français relatif au sport colombophile, divins: BSLW, T.42, 1901, pp. 309-357, (rahouca "E160").
- Lejeune, Jean, Vocabulaire technologique wallon-français du fabricant de fonte, de fer et d'acier, divins: BSLW, T.43, 1903, pp. 191-217, (rahouca "E147").
- Jacquemotte, Edmond, Lejeune, Jean, Vocabulaire du coquelî, divins: BSLW, T.45, 1904, pp. 225-230 (Rahouca "E15")
- Jacquemotte, Edmond, Lejeune, Jean, Vocabulaire des lavandières et repasseuses, divins: BSLW, T.45, 1904, pp. 231-239 (rahouca "E16")
- Jacquemotte, Edmond, Lejeune, Jean, Vocabulaire du briquetier, pp. 241-251, divins: BSLW, T.45, 1904 (rahouca "E17").
- Jacquemotte, Edmond, Lejeune, Jean, Extraits du vocabulaire du pinsonî, divins: BSLW, T. 46, 1906, pp. 179-180 (rahouca "E157").
- Jacquemotte, Edmond, Lejeune, Jean, Mots wallons divers, divins: BSLW, T.46, 1906, pp. 201-202 (rahouca "E119").
- Jacquemotte, Edmond, Lejeune, Jean, Extraits du vocabulaire de la sage-femme, divins: BSLW, T.46, 1906, pp. 193-198 (rahouca "E120").
- Jacquemotte, F., Lejeune, Jean, Extrait du vocabulaire du barbier-coiffeur, pp. 199-200, T.49, 1909, (rahouca "E35"). [E35]
- Jacquemotte, Edmond, Lejeune, Jean, Mots wallons divers recueillis à Jupille, pp. 363-365, T.49, 1909, (rahouca "E37").
