Henri Van Cutsem
Èn årtike di Wikipedia.
Henri Van Cutsem a skepyî li 8 d' awousse 1884 a Montneye-so-Sambe, ey a morou li 12 d' avri 1958 a Tchålerwè.
C' esteut on sicrijheu e walon, k' a cmincî pa scrire des rvowes di teyåte "Tot Montneye pasrè" (Tout Mont'gnè pass'ra) (1914). E 1923, il a-st enondé ene rivowe e walon, li Hoûlåd d' Tchålerwè.
Il a eto scrît des pårlaedjes di tchanson (El tchant d' Montneye), et des pîces di teyåte (Escrocreye å mariaedje, pîce po rire e troes akes). Li pus rlomêye serè "Tintin" (1930).
Après, i s' mete al powezeye, et c' est "Tchabårêyes" (Tchabaréyes) (1925, replaidî e 1936), pu "Clairs di lune" (Clérs di leune) (1941), la k' gn a eto des sovnances e prôzes.
Si mwaisse ouve dimorrè si roman "Mamjhele Chôze" Mam'zèle Chôze (1950).
E 1949, il enonde avou Félicien Barry li moetî "El Bourdon". C' est lu ki scrît l' atacaedje (e francès).
Van Cutsem ni sinéve nén ses lives e walon.
Riprins dins l' grosse antolodjeye da Piron.
Di s' mestî, il esteut mwaisse de scole, pu directeur d' ene sicole prumaire a Tchålerwè. I scrijheut eto des pîces di teyåte e francès, k' i poleut ratourner e walon (Natole, 1916).
